Հասարակական14:26, 17 Փետրվար 2020
Թուրքիայում քրիստոնեական գերեզման են պղծել. Կարո Փայլանը դիմել է ՆԳ նախարարին
Թուրքիայի Տրապիզոն քաղաքում հուղարկավորությունից 1 ամիս էլ չանցած անհայտ անձիք պղծել են «Սանտա մարիա» կաթոլիկ եկեղեցու անդամներից մեկի գերեզմանը: Չարագործները պոկել են հունվարի 18-ին հուղարկավորված Զեհրա Չոլաքի շիրիմին ժամանակվոր ամրացված փայտե խաչը ու այրել հենց գերեզմանի կողքին:
Դեպքի վերաբերյալ Տրապիզոնի ոստիկանության վարչություն հաղորդում է ներկայացրել հանգուցյալի այրին, որից հետո հետաքննություն է սկսվել:
Քրիստոնեաֆոբիայի հողի վրա տեղի ունեցած սադրանքները, սակայն, այս ամենով չեն սահմանափակվել: Հաղորդվում է, որ սադրանքներ են տեղի ունեցել նաև նույն անձի հուղարկավորության ժամանակ ու դրանից առաջ:
Նախ հանգուցյալի գերեզմանափոսը փորելու ժամանակ եկեղեցուց ոչ հեռու գտնվող քրիստոնեական գերեզմանատուն է եկել դիմակավոր մի անձ և փորձել է գողանալ այնտեղ բերված խաչը: Սակայն այդ պահին մոտակայքում խաղացող երեխաները խոչընդոտել են նրա գործողություններին, ինչից հետո անհայտ անձը հեռացել է՝ չկարողանալով իրականացնել մտադրությունը:
Հուղարկավորության ժամանակ էլ մի քանի հոգուց բաղկացած մի խումբ է հայտնվել, բարձրաձայն արտաբերել «Ալլահ աքբար» արտահայտությունը ու սկսել մուսուլմանական աղոթք վանկարկել:
Դեպքերի կապակցությամբ 2 տարբեր հարցապնդումներ են ուղարկվել ուղղված Թուրքիայի խորհրդարանին ու ներքին գործերի նախարարին: Առաջինը ուղարկել է քրդամետ «ժողովուրդների դեմոկրատական» կուսակցության (HDP-ԺԴԿ) Մարդինի պատգամավոր Թումա Չելիքը, երկրորդը՝ նույն կուսակցության Դիարբեքիրի պատգամավոր հայազգի Կարո Փայլանը:
Պատգամավորները պատկան մարմիններից պահանջել պատասխանել նշյալ դեպքերի վերաբերյալ մի շարք հարցերի:
Փայլանը մասնավորապես ՆԳ նախարարից հետաքրքրվել է, թե արդյոք գերատեսչությունը հետաքննություն իրականացրել է հուղարկավորության ժամանակ տեղի ունեցած սադրանքի կապակցությամբ և արդյոք հայտնաբերվել են մեղավորները: Պատգամավորը հարց է հղել նաև այն մասին, թե արդյոք Տրապիզոնում քրիստոնյաների գերեզմանների վրա մինչ այժմ տեղի ունեցած հարձակումների համար որևէ մեկը հայտնաբերվել ու պատժվել է:
Հայ պատգամավորը հիշեցրել է նաև, որ Հրանտ Դինքի և կաթոլիկ հոգևորկան հայր Սանտորոյի սպանությունները իրականացվել են Տրապիզոնի ոստիկանության կողմից ուղղորդվող հանցավոր խմբերի կողմից ու հարցրել, թե արդյոք նշյալ ոստիկանական բաժանմունքում այդպիսի ցանց կա:
Այս ենթաբաժնի վերջին նորությունները
Թուրքիայի համար «Ակտիվ ծերացման ինդեքսը» 2024-ին հասել է շուրջ 30-ի:
Տարեսկզբից մինչև փետրվարի վերջ Թուրքիա է մեկնել 463․865 իրանցի՝ դառնալով օտարազգի տուրիստների ամենամեծ խումբը։
Թուրքիայի նախագահ Ռեջեփ Թայիփ Էրդողանն ավելի վաղ հայտարարել էր երկրում ծնելիության ինդեքսի խորացող անկման մասին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Նշվում է, որ հանդիպմանը քննարկվել է Գազայում հումանիտար իրավիճակը և հրադադարի շուրջ բանակցություններում առկա վերջին զարգացումները։
Ֆիդան․«Ինչպես «Իսլամական պետություն» ահաբեկչական կազմակերպությունը (ԻՊ) դուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության և հանգստության մեջ, կա՛մ այլ կերպ»
«Ես քաղաքական հավակնություններ չունեմ: Ինձ հաճախ են հարցնում այս մասին, բայց ես կցանկանայի մնալ ոչ կառավարական հատվածում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |