Թուրքիայում նվազել է իրենց երջանիկ համարող քաղաքացիների թիվը

Հասարակական13:35, 17 Փետրվար 2020

Թուրքիայում նվազել է իրենց երջանիկ համարող քաղաքացիների թիվը

Թուրքիայում նախորդ տարվա համեմատ նվազել է իրենց երջանիկ համարող քաղաքացիների թիվը։ Եթե 2018թ․ անցկացված հարցումների ժամանակ իրեն երջանիկ էր համարել հարցվածների 53․4 տոկոսը, ապա 2019թ․ այդ ցուցանիշը կազմել է 52․4 տոկոս։

2018թ-ին իրեն դժբախտ էր համարել հարցվածների 12․1 տոկոսը, իսկ 2019թ․ հարցումների ժամանակ՝ 13․1 տոկոսը։

Ընդ որում՝ 2019թ․ հարցումների ժամանակ ամուսնացած քաղաքացիներն ավելի հաճախ են հայտարարել, որ երջանիկ են (հարցվածների 55․6 տոկոսը), քան չամուսնացածները (45․1 տոկոսը)։

Ուշագրավ է նաև, որ ամենից շատ իրենց երջանիկ են համարել կրթության ավելի ցածր մակարդակ ունեցողները։ Այսպես, իրեն երջանիկ է համարել թերի միջնակագ կրթությամբ քաղաքացիների 54․4 տոկոսը, բարձրագույն կրթությամբ քաղաքացիների 52․3 տոկոսը, միջնակարգ կրթությամբ քաղաքացինեերի 51․8 տոկոսը։

Հարցվածների 69․9 տոկոսը երջանկության կարևոր պայման է համարել առողջությունը, 14․3 տոկոսը՝ սերը, 9․2 տոկոսը՝ հաջողությունը, 4․2 տոկոսը՝ փողը, 2․1 տոկոսը՝ աշխատանքը։

Աղբյուր` diken.com.tr

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։