Թուրքական ընդդիմադիր թերթը բացահայտել է իշխանամետ լրատվամիջոցի կեղծիքը

Քաղաքական10:38, 18 Փետրվար 2020

Թուրքական ընդդիմադիր թերթը բացահայտել է իշխանամետ լրատվամիջոցի կեղծիքը

Թուրքիայում գործող «Areda» հետազոտական ընկերությունը հարցումներ է իրականացնել՝ փորձելով պարզել քաղաքական կուսակցությունների վարկանիշն ընտրողների շրջանում։

Իշխանամերձ «Yeni Şafak» թերթը հրապարակել է այդ հարցումների արդյունքները, բայց փորձել է հնարավորինս շահավետ լույսի ներքո ներկայացնել իշխող «Արդարություն և զարգացում» կուսակցության (ԱԶԿ-AKP) վարկանիշը և հրապարակել է ուռճացված տվյալներ։ Թուրքական ընդդիմադիր «Birgün» թերթն անդրադարձել է այդ ուռճացված թվերին և մատնանշել իշխանամետ լրատվամիջոցի կեղծիքը:

Բանն այն է, որ «Yeni Şafak»-ը մի քանի տոկոսային կետով արհեստականորեն ավելացրել է իշխող ուժին օգտին տրված ձայների թիվը, որի հետևանքով պատասխանների հանրագումարը կազմել է ոչ թե 100 տոկոս, այլ՝ 105․9 տոկոս։ Այնուհետև վերանայել է իր հրապարակումը՝ իշխող ԱԶԿ-ի օգտին տրված պատասխանների ցուցանիշն իջեցնելով 40 տոկոսի, բայց այս դեպքում էլ հանրագումարը ստացվել է 100 տոկոսից պակաս։

Այսպիսով ըստ իշխանամետ թերթի՝ «Եթե այս շաբաթ ընտրություններ լինեին, Ձեր քվեն ու՞մ կտայիք» հարցին պատասխանողների տոկոսային բաշխվածությունը եղել է ներքոնշյալ կերպ.

իշխող ԱԶԿ - 46․5%

գլխավոր ընդդիմադիր «Ժողովրդահանրապետական» կուսակցությանը (ԺՀԿ-CHP) - 24․6%

քրդամետ «Ժողովուրդների դեմոկրատական» կուսակցություն (ԺԴԿ-HDP) - 11․6%

«Ազգայնական շարժում կուսակցությանը (ԱՇԿ-MHP) - 9%

«Լավ» կուսակցությանը (İyi Parti) - 9%

նախկին վարչապետ Ահմեթ Դավութօղլուի հիմնած «Ապագա» կուսակցություն - 1․7%

3․5 տոկոսն էլ ընտրել է այլ պատասխաններ:

Աղբյուր` birgun.net

Այս ենթաբաժնի վերջին նորությունները

15:12, 21 դեկտ

Ֆիդան․ «Ադրբեջանի և Հայաստանի միջև խաղաղության գործընթացի հաջող ավարտի համար պատմական հնարավորություն է ստեղծվել»

Թուրքիայի և Գերմանիայի արտգործնախարարներն անդրադարձել են Թուրքիա-ԵՄ հարաբերություններին, Հայաստան-Ադրբեջան գործընթացին և Սիրիայում տիրող իրավիճակին։

10:02, 20 դեկտ

Էրդողանը Կահիրեում մի շարք հանդիպումներ է ունեցել

D-8-ի շրջանակներում Թուրքիայի նախագահը պակիստանցի, իրանցի և եգիպտոսցի իր գործընկերների հետ քննարկել է տարածաշրջանային և համաշխարհային նշանակության հարցեր: