Թուրքիա. «Իդլիբի բանակցություններում մեզ բավարարող արդյունք չի գրանցվել»

Քաղաքական13:40, 19 Փետրվար 2020

Թուրքիա. «Իդլիբի բանակցություններում մեզ բավարարող արդյունք չի գրանցվել»

Իդլիբի հարցով Ռուսաստանի ու Թուրքիայի միջև տեղի ունեցած բանակցությունների՝ Մոսկվայում տեղի ունեցած 2-րդ փուլը ևս չի կարողանում որևէ արդյունք արձանագրել: Այս մասին հայտարարել է Թուրքիայի նախագահականի խոսնակ Իբրահիմ Քալընը:

Լրագրողների հետ հանդիպմանը Քալընը նշել է, որ բանակցություններում իրենց համար ընդունելի արդյունք չի արձանագրել:

«Մինչ այս պահը բանակցություններում մեզ բավարարող արդյունք չի գրանցվել: Մեզ ներկայացված քարտեզն ու պայմանները չենք ընդունել»,- տեղեկացրել է թուրք պաշտոնյան:

Քալընը նաև նշել է, որ Իդլիբի հարցում իրենց համար գլխավոր սկզբունքը Սոչիի համաձայնագրին վերադառնալն է:

«Իդլիբում մեր ռազմական դիտակետերի տեղափոխությունը չի քննարկվում: Իդլիբը պահպանելու ու այնտեղի քաղաքացիական բնակչությանը պաշտպանելու նպատակով շարունակելու ենք զենք ու զորք ուղարկել այնտեղ: Ոչ ոք թող չկասկածի, որ Իդլիբում մեր զինվորների վրա հարձակման դեպքում ամենախիստ պատասխանն է ստանալու»,- ասել է Քալընը:

Հիշեցնենք, որ Իդլիբի հարցում համաձայնության հարցում բանակցություններ վարելու նպատակով նախ Թուրքիա էր մեկնել ռուսական պատվիրակությունը, որը բանկցությունների անարդյունավետ ավարտից հետո վերադարձել էր Մոսկվա: Բանակցությունների 2-րդ փուլով էլ Մոսկվա մեկնած թուրքական պատվիրակությունը ռուս գործընկերների հետ հանդիպումներ է սկսել փետրվարի 17-ին, որոնք նույնպես առայժմ որևէ ցանկալի արդյունք չեն տալիս:

Աղբյուր` Gazetekarınca

Այս ենթաբաժնի վերջին նորությունները

15:12, 21 դեկտ

Ֆիդան․ «Ադրբեջանի և Հայաստանի միջև խաղաղության գործընթացի հաջող ավարտի համար պատմական հնարավորություն է ստեղծվել»

Թուրքիայի և Գերմանիայի արտգործնախարարներն անդրադարձել են Թուրքիա-ԵՄ հարաբերություններին, Հայաստան-Ադրբեջան գործընթացին և Սիրիայում տիրող իրավիճակին։

10:02, 20 դեկտ

Էրդողանը Կահիրեում մի շարք հանդիպումներ է ունեցել

D-8-ի շրջանակներում Թուրքիայի նախագահը պակիստանցի, իրանցի և եգիպտոսցի իր գործընկերների հետ քննարկել է տարածաշրջանային և համաշխարհային նշանակության հարցեր: