Լիբիացի գեներալի հրադադարի պայմանը. թուրքական զինուժը պիտի հեռանա

Քաղաքական13:29, 21 Փետրվար 2020

Լիբիացի գեներալի հրադադարի պայմանը. թուրքական զինուժը պիտի հեռանա

«Լիբիայի Ազգային բանակի» հրամանատար, գեներալ Խալիֆա Հաֆթարը հայտարարել է, որ պատրաստ է հրադադարի՝ պայմանով, որ թուրքական բանակը դուրս գա Լիբիայից:

Ռուսական «RIA» լրատվական գործակալությանը տված հարցազրույցում գեներալ Հաֆթարը հրադադարի հաստատմանը վերաբերող որոշ պայմաններ է ներկայացրել միջազգային ուժերին:

Նա պարտադիր է համարել Թուրքիայի զորքերի դուրսբերումը Լիբայի տարածքից:

Նշենք, որ Թուրքիան աջակցում է Լիբիայի Ազգային համաձայնության կառավարությանը, իսկ արաբական երկրներից Սաուդիան Արաբիան, Եգիպտոսը, Արաբական Միացյալ Էմիրությունները` գեներալ Խալիֆա Հաֆթարի գլխավորած «Լիբիայի ազգային բանակին»:

Թուրքիայի խորհրդարանն արտահերթ նիստում նախագահ էրդողանին արտոնել էր 1 տարի ժամկետով թուրքական ստորաբաժանումներ ուղարկել Լիբիա՝ տեղի կառավարությանն աջակցելու:

Հիշեցնենք, որ 2011թ.-ին Լիբիայի առաջնորդ Մուամար Քադաֆիի սպանությունից հետո երկիրը դադարել էր լինել մեկ պետություն: Այժմ Լիբիայում տիրում է երկիշխանություն: Ժողովրդի կողմից ընտրված խորհրդարանն արևելքում է, իսկ արևմուտքում՝ մայրաքաղաք Տրիպոլիում, ՄԱԿ-ի և ԵՄ-ի աջակցությամբ ձևավորված կառավարությունն է, որը ղեկավարում է Ֆայեզ Սարաջը: Երկրի արևելյան մասի իշխանությունները գործում են անկախ Տրիպոլիից և համագործակցում Հաֆթարի հետ:

Աղբյուր` haberler.com

Այս ենթաբաժնի վերջին նորությունները

11:52, 07 հունվ

Թուրքիա-Սիրիա սահմանին ցույցեր են. մարդիկ պահանջում են ազատ արձակել PKK-ի առաջնորդին

Նուսայբին-Ղամըշլը սահմանին 25 օր ի վեր պարբերաբար ցույցեր են: Մարդիկ սպանված լրագրողների նկարները ձեռքներին իրենց ձայնն են բարձրացնու։

11:21, 07 հունվ

Էրդողանը հայտարարել է ահաբեկչության դեմ պայքարի շարունակականության մասին

«Թե՛ երեկ և թե՛ դրա նախորդ օրն ասել ենք, որ մենք, որպես իշխանություն և դաշինք այսպես թե այնպես անպայմանորեն հասնելու ենք «Թուրքիան առանց ահաբեկչության» մեր նպատակին»: