Թուրքիայում ամուսնությունները նվազել են, ամուսնալուծությունները` շատացել

Հասարակական13:06, 27 Փետրվար 2020

Թուրքիայում ամուսնությունները նվազել են, ամուսնալուծությունները` շատացել

Թուրքիայի վիճակագրական ծառայության 2019թ. հրապարակած տվյալներով` Թուրքիայում ամուսնությունների թիվը նվազել է, փոխարենը ավելացել է ամուսնալուծությունների թիվը:

Ըստ այդմ` 2019թ. ամուսնությունների թիվը 2.3 տոկոսով նվազել է` կազմելով 541.424, իսկ ամուսնալուծությունների թիվը աճել է 8 տոկոսով`հասնելով 155.047-ի:

Նշվում է, որ ամենից շատ ամուսնություններ գրանցվել են Թուրքիայի Աքսարայի նահանգում, իսկ ամենից շատ ամուսնալուծություններ` Գյումյուշհանեի նահանգում:

Թուրքիայում ամենաքիչ ամուսնալուծությունները գրանցվել են հարավ-արևելյան Հաքքարի նահանգում:

2019թ. ամուսնալուծված զույգերի 36 տոկոսը բաժանվել է ամուսնական կյանքի առաջին 5 տարվա ընթացքում, իսկ նրանց 20.6 տոկոսը` 6-10 տարվա ընթացքում:

Թուրքիայում ամուսնության միջին տարիքը կանանց շրջանում 25 է, իսկ տղամարկանց շրջանում՝ 28:

2019թ. գրանցված ամուսնություններում օտարերկրյա քաղաքացիություն ունեցող հարսնացուների թիվը եղել է 23.264 (4.3 տոկոս), իսկ օտարերկրյա քաղաքացիություն ունեցող փեսացուների թիվը` 4580 (0.8 տոկոս):

Այդ փեսացուների 31 տոկոսը եղել է Գերմանիայի քաղաքացի: Թվով քիչ չեն եղել նաև Սիրիայի և Ավստրիայի քաղաքացիություն ունեցող փեսացուները:

Իսկ այդ հարսնացուների թվում ամենից շատը եղել են Սիրիայի քաղաքացիներ (14.5), այնուհետև Ադրբեջանի և Գերմանիայի քաղաքացիներ:

Աղբյուր` dw.com

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։