Քաղաքական16:36, 02 Մարտ 2020
Սիրիայի հարցով ամերիկացի բարձրաստիճան պաշտոնյաները կմեկնեն Թուրքիա
Սիրիայի հարցով ԱՄՆ-ի հատուկ ներկայացուցիչ Ջեյմս Ջեֆրին և ՄԱԿ-ում ԱՄՆ-ի մշտական ներկայացուցիչ Քելլի Քրաֆթը մեկնում են Թուրքիա: Ավելի վաղ Անկարան հայտարարել է, որ Սիրիայում սկսել է նոր ռազմական օպերացիա՝ «Գարնանային վահան» անվամբ։
Թուրքական աղբյուրի փոխանցմամբ` ամերիկացի պաշտոնյաները մեկնելու են միևնույն ինքնաթիռով և գիշերը կլինեն Թուրքիայում: Նրանք բանակցություններ կվարեն թուրք բարձրաստիճան պաշտոնյաների հետ:
Նշվում է, որ ՄԱԿ-ում ԱՄՆ-ի մշտական ներկայացուցիչ Քելլի Քրաֆթը Սիրիայում տեղի ունեցող իրադարձությունների շուրջ ՄԱԿ-ի Անվտանգության խորհրդի նիստում հայտարարությամբ էր հանդես եկել:
Նա աջակցություն էր հայտնել Թուրքիային, որը Սիրիայում ընթացող ռազմական գործողությունների ընթացքում կրել էր կենդանի ուժի կորուստներ։
Իսկ ինչ վերաբերում է Սիրիայի հարցով ԱՄՆ-ի հատուկ ներկայացուցիչ Ջեյմս Ջեֆրիին, ապա ըստ թուրքական աղբյուրի պնդման՝ Ջեֆրին հայտարարել էր, որ «Patriot» համակարգերի թեմայով Թուրքիայի վրա ճնշում գործադրելը Պենտագոնն անընդունելի էր համարել։
Հիշեցնենք, որ փետրվարի 3-ից սկսած Սիրիայի Իդլիբ նահանգում շարունակվում են բախումները թուրքական զինուժի և Սիրիայի կառավարական բանակի միջև: Բախումների հետևանքով թուրքական բանակի մարդկային ուժի կորուստների թիվը 1 ամսում հասել է 54-ի: Փետրվարի 27-ին տեղի ունեցած կատաղի մարտերից հետո, որի ընթացքում թուրքական բանակը 33 զոհ է տվել, Թուրքիայի պաշտպանության նախարարը հայտարարել է Իդլիբում «Գարնանային վահան» ռազմագործողության մեկնարկի մասին:
Այս ենթաբաժնի վերջին նորությունները
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:
Այս մասին համապատասխան հուշագիրը ստորագրվել է երկու կողմերի առողջապահական գերատեսչությունների ղեկավարների միջև:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Նիստին անձամբ մասնակցելու է Թուրքիայի նախագահ Ռեջեփ Թայիփ Էրդողանը:
Օդանավակայանում գործարկված նոր համակարգով կարելի է միաժամանակ թռիչքներ ու վայրէջքներ իրականացնել բոլոր թռիչքուղիներով:
Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:
Հարցվածների 32%-ը նշել է, որ չի վստահում որևէ հեռուստաալիքի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |