Թուրքիայում փակվում են խաղասրահները, գարեջրատները, պանդոկները, սրճարանները և կինոթատրոնները

Հասարակական11:10, 17 Մարտ 2020

Թուրքիայում փակվում են խաղասրահները, գարեջրատները, պանդոկները, սրճարանները և կինոթատրոնները

Թուրքիայում նոր տիպի կորոնավիրուսի տարածման դեմ պայքարում եղած սահմանափակումներին ավելացվել են նորերը: Թուրքիայի ներքին գործերի նախարարության կողմից բոլոր 81 նահանգապետարաններին ուղարկված շրջաբերականով մարտի 17-ից սկսած ժամանակավորապես փակվել են մի շարք մշակութային ու ժամանցային վայրեր:

Ողջ երկրի տարածքով իրենց գործունեությունը դադարեցնում են թատրոնները, կինոթատրոնները, ցուցասրահները, համերգային դահլիճները, ինչպես նաև հարսանյաց ու այլ հանդիսությունների սրահները, խաղասրահները, գարեջրատները, պանդոկները, սրճարանները, նարգիլե ծխելու համար նախատեսված վայրերը, թեյարանները, խաղային ատրակցիոնները, համամները, շոգեբաղնիքները, մերսման սրահները և այլն:

Շրջաբերականով արգելվել է նաև բոլոր տեսակի հանրային միջոցառումները, որտեղ կարող են մարդկանց կուտակումներ լինել։

Մարտի 15-ին արձակված մեկ այլ հրամանով ժամանակավորապես արգելվել էր ստուդիաների, դիսկոտեկների, բարերի ու գիշերային ակումբների գործունեությունը:

Նշենք, որ մարտի 17-ի տվյալներով՝ Թուրքիայում նոր տիպի կորոնավիրուսով վարակվածների թիվը հասել է 47-ի:

Աղբյուր` Diken

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։