Հասարակական11:56, 01 Ապրիլ 2020
Գերմանիայում թուրքական մի ընտանիքի «կորոնավիրուսով» նամակ են ուղարկել
Գերմանիայի Համբուրգ երկրամասում անհայտ անձինք սպառնալից նամակ են ուղարկել տեղաբնակ մի թուրքական ընտանիքի։
Նշվում է, որ ծրարը գցել են 28-ամյա Օնդեր Քոջայի փոստարկղի մեջ, իսկ նամակի մեջ գրված է եղել, որ թղթի վրա կա կորոնավիրուս։
Թուրքական լրատվամիջոցներին տված հարցազրույցում Քոջան պատմել է, որ երբ փոստարկղից հանել և ընթերցել է նամակը, ապշել է։
Նամակում մասնավորապես գրված է․
«Ձեզ անակնկալ ունեմ։ Ես վարակված եմ կորոնավիրուսով։ Այս նամակի վրա մի քանի անգամ հազացել եմ և չորս կողմը մաքրել եմ լեզուս։ Ես մենակ չեմ լքելու այս աշխարհը։ Իմ վերջին առաքելությունն է երեխաներիս և թոռներիս թողնել Գերմանիան առանց օտարների։ Մահացիր, դանդաղ մահացիր․ Գերմանիան թող մնա գերմանացիներին։ Ես ձեզ չարություն եմ մաղթում, հուսով եմ վիրուսը արագորեն կտարածվի ձեր ընտանիքում»։
Թուրք տղամարդն ասել է, որ ընթերցելուց անմիջապես հետո ձեռքերն ախտահանել է և դիմել ոստիկանություն։
Դեպքի մասին նա նաև հայտնել է Համբուրգի թուրքական հյուպատոսությանը։
Քոջան օգնության է դիմել Համբուրգի բժիշկներին։ Նրան բժիշկները հայտնել են, որ թղթից վարակի անցման հավանականությունը շատ ցածր է։ Չնայած այս ամենին՝ նա 1 շաբաթ աշխատանքի չի գնացել և մնացել է տանը։
Նշենք, որ թուրքական աղբյուրը պնդում է, որ այս նամակի հեղինակը կամ հեղինակները ռասիստ գերմանացիներն են։
Հիշեցնենք, որ սա առաջին դեպքը չէ Գերմանիայում: Մարտ և փետրվար ամիսներին նույնպես 3 դեպք էր գրանցվել Գերմանիայի տարբեր քաղաքներում:
Այս ենթաբաժնի վերջին նորությունները
Միջոցառումները ոգեշնչված են Դինքի 1996-ին «Ակօս»-ում հրապարակված «23,5 ապրիլ» հոդվածից։
Օքթայ Սարալը Հայկո Ջեփքինին որակել է որպես երաժիշտի նմանակ, իսկ նրա արվեստը՝ անորոշ:
Ռուսաստանն ամենաշատ վիզաները տրամադրել է Թուրքմենստանի, Հնդկաստանի, Թուրքիայի և Գերմանիայի քաղաքացիներին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրք քաղաքապետը հակահայկական գրառում էր արել, ինչի համար Նուրհան Չեթինքայան հանցագործության մասին հաղորդում էր տվել Ստամբուլի դատախազություն։
Այդ քայլը թուրքական մամուլում մեծ տարածում է գտել և որակվել որպես դավաճանություն Թուրքիային և Հյուսիսային Կիպրոսի ինքնահռչակ թուրքական հանրապետությանը։
Թուրքական մամուլում վերոնշյալը ներկայացվել է որպես հակաթուրքական լոբբի։
Միջոցառումները ոգեշնչված են Դինքի 1996-ին «Ակօս»-ում հրապարակված «23,5 ապրիլ» հոդվածից։
Օքթայ Սարալը Հայկո Ջեփքինին որակել է որպես երաժիշտի նմանակ, իսկ նրա արվեստը՝ անորոշ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |