ERMENI HABER AJANSI

Թուրքիայում մի խումբ բուժաշխատողներ Անկարայի համալսարանի Իբնի Սինա հիվանդանոցի առջև ցանկացել են հայտարարությամբ հանդես գալ կորոնավիրուսի դեմ պայքարի միջոցներ ձեռնարկելու համար։ Բուժաշխատողները պաստառ են պարզել, որի վրա գրված է եղել․ «Խտրականությամբ չեք կարող հաղթահարել վիրուսը»։

Չնայած բուժաշխատողները  պահպանել են սոցիալական հեռավորությունը, կրել են ձեռնոցներ և շնչադիմակներ, այնուամենայնիվ, ոստիկանները միջամտել են ու չեն թույլատրել ակցիան շարունակել։ Ծագել է վիճաբանություն, ինչի հետևանքով ոստիկանները 5 բուժաշխատողի բերման են ենթարկել։ 

Այս մասին սոցցանցում գրառում է արել «Հեղափոխական բուժաշխատողների արհմիությունը»։

Գրառման մեջ նշվում է, որ արհմիության ղեկավարը և մյուս բուժաշխատողները ցանկացել են հայտարարել, որ բուժաշխատողներին խտրականության ենթարկելով, չեն կարողանա հաղթահարել կորոնավիրուսը։ 

«#COVID2019-ի դեմ այդպես չեն պայքարում։ Անսացեք բուժաշխատողների հորդորներին»։

Գրառմանը կից հրապարակվել է նաև ոստիկանական մեքենայով բերման ենթարկված բուժաշխատողների տեսանյութը։

Նրանք հրավիրել են Թուրքիայի առողջապահության նախարարության ուշադրությունը այն բանի վրա, որ  ձեռնարկվող միջոցառումների շրջանակում բազմաթիվ մաքրուհիներ, բուժաշխատողներ ենթարկվում են խտրականության են։  

????"Sağlık çalışanları arasında ayrımcılık yaparak virüsü yenemezseniz" demek isteyen Sendika yöneticimiz ve üyelerimiz Ankara İbn-i Sina Hastanesi önünde gözaltına alındı. #COVID2019 la böyle mücadele edilemez.
Sağlık çalışanlarının taleplerine kulak verin.. pic.twitter.com/OtIgKb6tlH

— Devrimci Sağlık İş (@DevrimciSaglik) March 31, 2020