Թուրքիայում սոցհարցում է անցկացվել կորոնավիրուսի հետևանքով ստեղծված իրավիճակի վերաբերյալ

Հասարակական14:21, 06 Ապրիլ 2020

Թուրքիայում սոցհարցում է անցկացվել կորոնավիրուսի հետևանքով ստեղծված իրավիճակի վերաբերյալ

Թուրքիայի գլխավոր ընդդիամդիր ուժ համարվող «Ժողովրդահանրապետական» կուսակցության (CHP) պատվերով հանրության շրջանում սոցհարցումներ են իրականացվել։

Սոցհարցումներին մասնակցած Թուրքիայի քաղաքացիների 54%-ն իր աջակցությունն է հայտնել փողոց դուրս գալն արգելելու մասին կառավարության որոշմանը։ Հարցվածների 30%-ը նշել է, որ աջակցում է, սակայն որոշ վերապահումներ ունի։ Իսկ 16%-ն էլ նշել է, որ դեմ է փողոց դուրս գալու արգելքին։

Երկրի առջև ծառացած առաջնային խնդիրների վերաբերյալ սոցհարցումների պատկերը հետևյալն է. հարցվածների 46%-ը կարծում է, որ առաջին տեղում կորոնավիրուսի հաղթահարումն է, տնտեսական ճգնաժամի հաղթահարումը երկրորդ գլխավոր մարտահրավերն է։ Հարցվածների 31%-ը կարծում է, որ առաջնային մարտահրավեր է հենց տնտեսական ճգնաժամը Թուրքիայում։

Թուրքիայի առջև ծառացած գլխավոր մարտահրավերներից է նաև գործազրկությունը։ Սոցհարցումներին մասնակցածների 15%-ը գործազրկությունն է նշել որպես գլխավոր մարտահրավեր։

Կյանքի թանկությունը նույնպես տեղ է գտել առաջնային մարտահրավերների շարքում։ 6%-ն էլ կյանքի թանկությունն է նշել որպես գլխավոր խնդիր։

Այսպիսով, ամփոփելով Թուրքիայում անցկացված սոցիոլոգիական հարցումները, ակնհայտ է դառնում, որ սոցիալ-տնտեսական խնդիրներն այս երկրում ավելի մեծ մարտահրավեր են քան կորոնավիրուսի հավարակը։

Ընդհանուր առմամբ հարցվածների 52%-ը որպես առաջնային մարտահրավեր մատնանշել է սոցիալտնտեսական խնդիրները, իսկ կորոնավիրուսը 46% ցուցանիշով երկրորդ գլխավոր մարտահրավերն է Թուրքիայում։

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։