ԱՄՆ-ն մի շարք բժշկական պարագաներ գնելու համար դիմել է Թուրքիային

Միջազգային11:27, 09 Ապրիլ 2020

ԱՄՆ-ն մի շարք բժշկական պարագաներ գնելու համար դիմել է Թուրքիային

Կորոնավիրուսի համաճարակից այս օրերին ամենից մեծ վնաս կրող ԱՄՆ-ը Թուրքիայից բժշկական պարագաներ է խնդրել։

Թուրքական մամուլի փոխանցմամբ՝ համավարակով պայմանավորված Թուրքիային նմանատիպ հայտ է ուղարկել ընդհանուր առմամբ 92 երկիր, որոնցից 32-ին Թուրքիան դրական պատասխան է տվել։

ԱՄՆ-ն էլ դեսպանատան միջոցով Թուրքիայի արտգործնախարարությանն է փոխանցել անհրաժեշտ բժշկական պարագաների ցանկը, որոնք ԱՄՆ–ը առաջարկել է գնել կամ փոխանակել։

Ցանկում տեղ գտած պարագաներից են բժշկական օճառը, վիրահատական դիմակները, ձեռնոցները, բժշկական խալաթներն և ծածկոցները, ակնոցները, հակավիրուսային պատվաստանյութերը, շնչառական սարքերը, շարժական ռենտգեն համակարգերը, անզգայացման սարքերը և այլն։

Հիշեցնենք, որ ներկա դրությամբ աշխարհում կորոնավիրուսով վարակվածների թվով ԱՄՆ-ը առաջին տեղում է։ Երկրում մինչ օրս համավարակից ավելի քան 12․800 մարդ է զոհվել։

Աղբյուր` ensonhaber.com

Այս ենթաբաժնի վերջին նորությունները

11:40, 01 ապր

Ֆրանսիան և Թուրքիան կհամագործակցեն միջուկային բժշկության ոլորտում

«Curium Pharma»-ը ձեռք է բերել քաղցկեղի ախտորոշման և բուժման մեջ օգտագործվող ռադիոակտիվ նյութերի արտադրման մեջ մասնագիտացված թուրքական ընկերություն։

13:16, 31 մարտ

Մակրոնը շնորհավորել է Էրդողանին

Այդ մասին հայտարարություն է տարածել Թուրքիայի նախագահականին կից հանրային կապերի վարչությունը։

11:31, 27 մարտ

Հույները դիմել են Թրամփին Թուրքիայի դեմ հանդես գալու պահանջով

Ամերիկայում գործող հունական «Helenik» համալսարանը նամակ է հղել Թուրքիայի արտաքին գործերի նախարար Հաքան Ֆիդանի օրերս Վաշինգտոն կատարած պաշտոնական այցից հետո։