Իրավական11:46, 14 Ապրիլ 2020
Թուրքիայում 1000-ավոր դատապարտյալներ բանտերից դուրս գալու հնարավորություն են ստացել
Թուրքիայի խորհրդարանում հաստատվել է քրեակատարողական հիմնարկներում գտնվողներին վերաբերող փոփոխություններ նախատեսող նոր օրենքը։ Այն բանտերից դուրս գալու հնարավորություն է ստեղծում շուրջ 90․000 բանտարկյալի համար։
Ըստ օրենքի՝ պայմանական ազատության ժամկետը հասցվել է 3 տարվա։ Նախատեսվում է նաև կիսով չափ նվազեցնել պատժաչափերը։
Բաց ռեժիմի բանտերում գտնվողները մինչև մայիսի 31-ը իրենց պատիժը կկրեն տանը։ Տնային կալանքի ձևով իրենց պատիժները կկրեն նաև 65-ից բարձր տարիքային խմբին պատկանող կամ հատուկ խնամքի կարիք ունեցող անձինք, նաև՝ մինչև 6 տարեկան երեխաներ ունեցողները։
Օրենքը չի տարածվելու այն բանտարկյալների վրա, որոնք դատապարտվել են ահաբեկչության, սեռական բնույթի հանցագործությունների, կանանց դեմ բռնության, ինչպես նաև՝ թմրանյութերի արտադրության և շրջանառության համար։
Մյուս կողմից էլ պատժի խստացում է նախատեսվում այն բանտարկյալների համար, որոնք դատապարտվել են շահույթ ստանալու նպատակով հանցավոր խմբավորում ստեղծելու կամ վաշխառության համար։
Թուրքիայի խորհրդարանի հայ պատգամավոր Կարո Փայլանը Twitter-ում դժգոհություն է հայտնել նոր օրենքի ընդունման առթիվ։ Նա հրապարակել է պատգամավորների խմբային լուսանկարն ու գրել․
«Չմոռանաք այս մարդկանց, որոնք հավանություն են տվել մի օրենքի, որով քաղաքական գործիչները, լրագրողներն ու Twitter-ում գրառում անողները դատապարտվում են մեռնելու բանտերում»։ Կարոն հավելել է, որ այդ օրենքն ընդունողները հետագայում հերքելու են իրենց մեղքը՝ հայտարարելով, թե օրենքը պարտադրված է եղել նախագահական պալատի կողմից։
Այս ենթաբաժնի վերջին նորությունները
«Լրագրողներ առաց սահմանների» կազմակերպությունը հրապարակել է 2024-ի զեկույցը, որտեղ անդրադառնում է լրագրության վիճակին Թուրքիայում։
Թուրքիայի արևելյան հատվածում գտնվող Աղրըի նահանգապետ Մուստաֆա Քոչը տվյալներ է հրապարակել ընթացիկ տարում սահմանապահների կողմից կանխված միջադեպերի վերաբերյալ։
Թուրքիայում շարունակում են իշխանություններին մեղադրել Իսրայելի հետ համագործակցությունը շարունակելու մեջ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Նախկինում Էրդողանը հակաբեղմնավորիչների օգտագործումը հավասարեցրել էր պետական դավաճանության հետ:
ՌԴ նախագահը չի բացառել, որ Թուրքիայի զինված ուժերը ռազմական գործողություն կարող են իրականացրել Սիրիայի քրդական ուժերի դեմ,
Կահիրեում տնտեսական համագործակցության ութնյակի (D-8) գագաթնաժողովի շրջանակում հանդիպել են Թուրքիայի և Իրանի նախագահները։
Աշխարհի ամենաբարձրահասակ տղամարդը՝ Սուլթան Քյոսենը (2.60սմ) և կինը՝ Ռումեյսա Գելգին, (2.15սմ) ապրում են Թուրքիայում:
D-8-ի շրջանակներում Թուրքիայի նախագահը պակիստանցի, իրանցի և եգիպտոսցի իր գործընկերների հետ քննարկել է տարածաշրջանային և համաշխարհային նշանակության հարցեր:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |