Թուրքիայում կորոնավիրուսի պատճառով 1 ամսով երկարացվել է պարտադիր զինծառայության ժամկետը

Ռազմական11:58, 17 Ապրիլ 2020

Թուրքիայում կորոնավիրուսի պատճառով 1 ամսով երկարացվել է պարտադիր զինծառայության ժամկետը

Ապրիլի 16-ին Թուրքիայի նախագահ Ռեջեփ Թայիփ Էրդողանի որոշմամբ՝ երկրում 2019թ․ նոյեմբերի 1-ից դեկտեմբերի 1-ը հայտարարված զորակոչին պարտադիր զինվորական ծառայության անցած զինծառայողների ծառայության ժամկետը 1 ամսով երկարաձգվել է։ Այս մասին նախագահի որոշումը հրապարակվել է Թուրքիայի պաշտոնաթերթում (Resmi Gazete)։

Նշվում է, որ կորոնավիրուսի իրավիճակով պայմանավորված զինծառայության ժամկետը 1 ամսով երկարացնելու առաջարկը նախագահին ներկայացվել է Թուրքիայի պաշտպանության նախարար Հուլուսի Աքարի, զինված ուժերի գլխավոր շտաբի պետի և հրամկազմի կողմից։

Որոշման համաձայն՝ 66․000 շարքային և սերժանատական կազմի զինծառայող, որոնց ծառայության ժամկետը լրացել է օրենքով սահմանված 6-րդ ամսին, կզորացրվի 1 ամիս ուշ։

Նշենք, որ նախագահի վերոհիշյալ որոշմանը բացասաբար են արձագանքել այն զինծառայողները, որոնց զորացրման ժամկետը հետաձգվել է։ Շատերը տեսանյութով դիմել են Էրդողանին։

Նրանցից մեկը սոցցացնում գրել է․ «Դուք ազատեցիք մարդասպաններին և նրանց, որոնք բռնություն են գործադրել։ Մեզ ինչու՞ չեք ազատում։ Վճարի դիմաց պարտադիր զինվորական ծառայությունից ազատված զինծառայողները իրենց տան են կրթություն ստանում։ Ինչ է, աղքա՞տն է տուժելու»։

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: