Հասարակական17:39, 22 Ապրիլ 2020
New York Times. «Թուրքիան հավանաբար թաքցնում է կորոնավիրուսից մահացածների իրական թիվը»
Ամերիկյան «New York Times» թերթն առաջ է քաշել այն վարկածը, որ Թուրքիան, ամենայն հավանականությամբ, թաքցնում է կորոնավիրուսի պատճառով գրանցված մահերի իրական թիվը։ Նման եզրահանգման համար հիմք է ծառայել վերջին տարիներին Թուրքիայում գրանցված մահերի ընդհանուր վիճակագրության ուսումնասիրությունը։
Պարզվել է, օրինակ, որ 2020թ․ մարտի 9-ից մինչև ապրիլի 12-ն ընկած ժամանակահատվածում միայն Ստամբուլում վերջին երկու տարիների նույն ժամանակահատվածի միջին ցուցանիշի համեմատ 2․100 –ով ավելի շատ մահվան դեպքեր են գրանցվել։ Այլ կերպ ասած՝ նշված 5 շաբաթների ընթացքում մահվան դեպքերը նախորդ տարիների համեմատ աճել են շուրջ 30 տոկոսով։
Մյուս կողմից, միայն ապրիլի առաջին երկու շաբաթներին գրանցված մահվան ընդհանուր դեպքերի թիվը 50 տոկոսով գերազանցել է նախորդ տարիների միջին ցուցանիշը։
Ընդ որում՝ մահվան դեպքերի աննախադեպ աճը գրանցվել է Թուրքիայում կորոնավիրուսից մահվան առաջին պաշտոնապես հայտարարված դեպքից՝ մարտի 17-ից դեռ շաբաթներ առաջ։
Վերլուծաբանները դա բավարար հիմք են համարում՝ ենթադրելու համար, որ իրականում Թուրքիայում կորոնավիրուսից մահացությունները այդ մասին պաշտոնական հայտարարությունից շատ ավելի վաղ են սկսվել։
Եվ հաշվի առնելով համավարակի տարածման ու ընդհանուր վիճակագրության մեջ մահվան դեպքերի թվի կտրուկ աճի միաժամանակությունը՝ փորձագետները ենթադրում են, որ կորոնավիրուսի պատճառով գրանցված մահվան դեպքերը իրականում գերազանցում են պաշտոնապես հրապարակված թիվը։
Վերլուծաբանները նաև ընդունում են, որ միանշանակ չի կարելի պնդել, թե միջին վիճակագրական թիվը գերազանցող բոլոր մահվան դեպքերը կապված են կորոնավիրուսի հետ, բայց բոլոր հիմքերը կան առնվազն ենթադրելու համար, որ դրանց մի մասն, այնուամենայնիվ, պայմանավորված է կորոնավիրուսով։
Այս ենթաբաժնի վերջին նորությունները
Համշխարհային առողջապահության կազմակերպության ներկայացուցչի խոսքով օգնությունը կազմել է 55 տոննա:
Հրապարակված ցանկում ընդգրկված են այն երկրները, որոնց անձնագրեր ունեցողները կարող են այցելել տարբեր երկրներ առանց մուտքի վիզայի։
Կիբերանվտանգության վարչությունը կունենա 135 հոգուց բաղկացած աշխատակազմ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարարը լրատվամիջոցների ներկայացուցիչների հետ հանդիպմանն անդրադարձել է հայ-ադրբեջանական բանակցային գործընթացին:
Վեջին օրերին հայ-ադրբեջանական հարաբերությունների կարգավորման գործըթնացն ու Ալիևի՝ Հայաստանի նկատմամբ սպառնալից հայտարարությունները միջազգային մամուլի գլխագրերում են:
Կողմերի օրակարգում է եղել երկկողմ հարաբերությունները, ինչպես նաև տարածաշրջանային և համաշխարհային զարգացումները:
Թուրքիայի նախագահ Ռեջեփ Թայիփ Էրդողանը անդրադարձել հեռահար հրթիռների արտադրության ծրագրին:
Հիմնականում թյուրքախոսներով բնակեցված Իրանի Թավրիզ քաղաքում վերջին շրջանում նկատվել են թուրքամետ պաստառներ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |