Քաղաքական13:02, 28 Ապրիլ 2020
Էրդողան․ «Ես նզովում եմ, դատապարտում եմ ալևիականությունը որպես կրոն ներկայացնող մոտեցումը»
Ստամբուլի քաղաքապետարանն ապրիլի 23-ին Թուրքիայում նշվող ազգային ինքնիշխանության ու երեխաների տոնի առիթով օգնության փաթեթներ էր բաժանել քաղաքի բնակիչներին։ Այդ փաթեթների մեջ եղել է նաև մի գրքույկ, որի էջերից մեկում առկա լուսանկարում պատկերված են եղել իրար կողք նստած մուսուլման, քրիստոնյա, ալևի ու հրեա հոգևորականներ։
Քննարկման առարկա դարձած լուսանկարի համար Թուրքիայի նախագահ Ռեջեփ Թայիփ Էրդողանը քննադատել է Ստամբուլի քաղաքապետարանին, որը ղեկավարում է ընդդիմադիր «Ժողովրդահանրապետական» կուսակցության ներկայացուցիչ Էքրեմ Իմամօղլուն։
Էրդողանին վրդովեցրել է, այն հանգամանքը, որ ալևիականությունը ներկայացվել է որպես իսլամից առանձին, ինքնուրույն կրոն։
«Քաղաքապետարանի սոցիալական օգնությունը պիտի համակարգվի նահանգապետարանի կողմից, քանի որ նրանք (քաղաքապետարանը) բոլորովին այլ գործեր են անում։ Ես հատկապես ժողովրդի ներկայությամբ եմ ցանկանում հայտարարել, որ նզովում եմ, դատապարտում եմ ալևիականությունը որպես կրոն ներկայացնելու այդ մոտեցումը, որը կա նրանց բաժանած գրքույկում»,- ասել է Էրդողանը կառավարության նիստից հետո անցկացված հեռավար մամուլի ասուլիսի ընթացքում։
Նշենք, որ քրդական ինքնությամբ ալևիների դավանած ալևիականությունը Թուրքիայում պետության կողմից չի ընդունվում որպես առանձին կրոն, այլ ներկայացվում է սուննի իսլամի հետ միասին։ Ալևիները, սակայն, իրենց համարում են առանձին կրոնական ուղղության ներկայացուցիչներ, չեն ընդունում իրենց նույնացումը իսլամի հետ և չեն աղոթում թուրքական մզկիթներում։ Նրանք ունեն իրենց աղոթատեղիները՝ ջեմեվիները, որոնց Թուրքիան առ այսօր որևէ իրավական կարգավիճակ չի տվել․ դե յուրե դրանք անօրինական են։
Այս ենթաբաժնի վերջին նորությունները
Հաքան Ֆիդանն ու Մարկո Ռոբիոն պայմանավորվել են սերտացնել թուրք-ամերիկյան համագործակցությունը։
Օրակարգում եղել են երկկողմ հարաբերություններն ու տարածաշրջանային և համաշխարհային զարգացումները:
Ապրիլի 15-ին Թուրքիայի նախագահի գլխավորությամբ տեղի կունենա հերթական նիստը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Թուրքական ԶԼՄ-ների համաձայն՝ 28 տարեկան Ադիրը կորել է Թուրքիա-Հայաստան սահմանն ապօրինի հատելիս:
Անթալիայի 4-րդ դիվանագիտական ֆորումի ընթացքում Թուրքիայի նախագահ Ռեջեփ Թայիփ Էրդողանը հանդիպել է Ադրբեջանի նախագահ Իլհամ Ալիևի հետ։
Դիմիտրիոս Խուպիսը մասնակցել է Դելֆիի 10-րդ տնտեսական ֆորումին, որտեղ անդրադառնալով Թուրքիային նշել է, որ այդ երկիրը շարունակական սպառնալիք է ներկայացնում։
Թուրքական մամուլում վերոնշյալը ներկայացվել է որպես հակաթուրքական լոբբի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |