Քաղաքական15:59, 04 Մայիս 2020
Քեմալական կուսակցության նախկին փոխնախագահը կուսակիցներին հորդորել է չշեղվել հակահայկական կուրսից
Թուրքիայի գլխավոր ընդդիմադիր քաղաքական ուժի՝ Թուրքիայի Հանրապետության հիմնադիր Մուստաֆա Քեմալ Աթաթուրքի հիմնադրած «Ժողովրդահանրապետական» կուսակցության (ԺՀԿ-CHP) պատգամավոր Սեզգին Թանրըքուլուն կոչ էր արել առերեսվել սեփական անցյալի և Հայոց ցեղասպանության հետ։
Հայոց ցեղասպանության 105-րդ տարելիցի առթիվ սոցցանցերի իր էջերում Թանրըքուլուն մասնավորապես գրել էր․ «1915թ․ ապրիլի 24-ին հարյուրավոր հայ մտավորականներ ձերբակալվեցին Ստամբուլում և տարվեցին Չանքըրը ու Անկարա և անհետ կորսվեցին։ Քանի դեռ անցյալի հետ չենք առերեսվել, վերքերը երբեք չեն բուժվի»։
Այս և ԺՀԿ-ի մի քանի անդամների կողմից նախկինում ցեղասպանության վերաբերյալ նախկինում արված այլ նմանատիպ հայտարարությունները Թուրքիայում խիստ բացասական արձագանք են գտել։
Արձագանքողներից մեկն էլ նույն կուսակցության նախկին փոխնախագահ, արտակարգ և լիազոր դեսպան Օնուր Օյմեն է, որը իր որոշ կուսակիցների կոչ է արել չհեռանալ հայկական հարցի վերաբերյալ դեռևս Աթաթուրքի կողմից ձևակերպած դրույթներից։
Օյմենը քեմալիզմի ազգայնական հիմքերով ստեղծված և ներկայում ձախակողմյան կողմնորոշում ունեցող ԺՀԿ-ի իր կուսակիցներին հորդորել է վերընթերցել կուսակցության ծրագիրը՝ մեջբերելով Հայաստանի հետ հարաբերություններ հաստատելու վերաբերյալ հատվածը։
«Հայաստանի հետ հարաբերությունների հաստատումը կախված է այդ երկրի կողմից օկուպացված արդբեջանական հողերից դուրս գալու, աշխարհի հայկական կազմակերպությունների միջոցով Թուրքիայի դեմ ցեղասպանության պնդումների վրա հիմնված նախաձեռնություններից հրաժարվելու, Հայաստանի որոշ փաստաթղթերի միջից Թուրքիային պատկանող որոշ հողերի նկատմամբ հավանկնություններ ունենալու տպավորություն ստեղծող ձևակերպումներն և խորհրդանիշները հեռացնելու պայմանների կատարումից»։
Օյմենը նաև Աթաթուրքի ճառերից մի հատված է մեջբերել, որտեղ հանրապետության հիմնադիրը կտրականապես ժխտում է հայկական կոտորածները՝ փոխարենը «մինչև ատամները զինված» հայերին մեղադրելով մուսուլմանների վրա հարձակումների ու անմեղ ժողովրդին կոտորելու մեջ։
Այս ենթաբաժնի վերջին նորությունները
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:
Այս մասին համապատասխան հուշագիրը ստորագրվել է երկու կողմերի առողջապահական գերատեսչությունների ղեկավարների միջև:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ըստ տեղեկությունների՝ բանակցությունները սկսվել են ԱՄՆ-ի միջոնորդությամբ ու խորհրդով:
Ստամբուլում ընդդիմադիրներ գործիչների ձերբակալությունների հերթական ալիքն է սկսվել:
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
«Մեր ջրի աղբյուրների արդյունավետ օգտագործումն ու ճիշտ կառավարումը ոչ թե ընտրություն է, այլև ազգային անվտանգության խնդիր»։
Որոնման աշխատանքների մեջ ներգրավված է «Թուրքիայի նավթային կորպորացիայի» (TPAO) 200 հոգուց բաղկացած անձնակազմ և 30 տեխնիկա։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |