Թուրքիայի ազգային ավիափոխադրողը կազմել է չվերթների եռամսյա ծրագիր

Հասարակական13:09, 06 Մայիս 2020

Թուրքիայի ազգային ավիափոխադրողը կազմել է չվերթների եռամսյա ծրագիր

Թուրքիայի ազգային ավիափոխադրող «Թուրքական ավիաուղիներ» ավիաընկերությունը թռիչքների չեղարկման ժամանակահատվածի ավարտին ընդառաջ պատրաստել է հետագա չվերթների եռամսյա ծրագիր։

Ըստ այդ ծրագրի՝ հունիսին նախատեսվում է Թուրքիայի ներքին թռիչքներն իրականացնել բոլոր օդնավակայաններում, իսկ արտաքին թռիչքները՝ 19 երկիր։ Ընդհանուր առմամբ հունիսին միջազգային թռիչքները նախատեսվում են 23 ուղղություններով՝ շաբաթական 73 չվերթ հաճախականությամբ։

Նշենք, որ կորոնավիրուսի դեմ պայքարի համար իրականացվող միջոցառումների շրջանակում ավիաընկերությունը հետաձգել է բոլոր ներքին չվերթները մինչև մայիսի 20-ը, իսկ միջազգային չվերթները՝ մինչև մայիսի 28-ը։

Թռիչքների չեղարկման ժամանակահատվածի ավարտից հետո առաջին փուլում ծրագրվում է իրականացնել չվերթների 60 տոկոսը։

Ավիաընկերության ծրագրում նաև նշվում է, որ միջազգային թռիչքների թիվը հուլիս և օգոստոս ամիսներին աստիճանաբար կավելանան։ Հուլիսին ավիափոխադրողը թռիչքներ կիրականացնի 74 երկիր (103 ուղղություն)՝ շաբաթական 572 չվերթ հաճախականությամբ, իսկ օգոստոսին՝ 98 երկիր (160 ուղղություն)՝ շաբաթական 937 հաճախականությամբ։

Աղբյուր` ahaber.com.tr

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։