Անգլիան կվերադարձնի Թուրքիայից գնած 400 հզ արտահագուստները․ դրանք անպիտան են ճանաչվել

Քաղաքական14:09, 07 Մայիս 2020

Անգլիան կվերադարձնի Թուրքիայից գնած 400 հզ արտահագուստները․ դրանք անպիտան են ճանաչվել

Ապրիլի 22-ին Թուրքիայից Մեծ Բրիտանիա ներմուծված 84 տ․ բժշկական պարագաների թվում եղած 400․000 հատ արտահագուստները անպիտան են ճանաչվել օգտագործման համար։ Դրանք չեն համապատասխանել Բրիտանիայի առողջապահական չափանիշներին։

Թուրքական «Diken» լրատվական կայքը, հղում անելով «The Guardian»-ին, տեղեկացնում է, որ դրանք պահվում են Լոնդոնի Հիթրոու օդանավակայանի պահեստում, քանի որ պիտանի չեն օգտագործման համար։

Նշվում է, որ այս լուրը հաստատել է նաև Բրիտանիայի առողջապահության նախարարությունը։ Հաղորդվում է, որ այդ պարագաները հետ են ուղարկվելու Թուրքիա՝ դրանց գումարը հետ փոխանցելու պահանջով։

Հիշեցնենք, որ Բրիտանիայի առողջապահության համակարգի կարիքների համար շտապ անհրաժեշտ բժշկական պարագաները պետք է այդ երկիր ուղարկվեին ապրիլի 19-ին, սակայն Թուրքիայում առաջացած թղթաբանական խնդիրների պատճառով անգլիական ինքնաթիռը 2 օր անց միայն կարողացավ ուղեբեռը տեղափոխել Լոնդոն։ Տեղափոխության ուշացումը կարճաժամկետ լարվածության պատճառ էր դարձել 2 երկրների միջև։

Աղբյուր` Ermenihaber.am

Այս ենթաբաժնի վերջին նորությունները

12:37, 04 ապր

Թուրքիայի արտգործնախարարը ՆԱՏՕ-ում կանցկացնի մի շարք հանդիպումներ

Հաքան Ֆիդանը կմասնակցի Ասիա-Խաղաղօվկիանոսյան և ՆԱՏՕ-Ուկրաինա խորհրդի նիստերին։

10:03, 04 ապր

Թուրքիայի ԱԳՆ. «Իսրայելն ապակայունացնում է տարածաշրջանը»

Թուրքիան խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները, ինչպես նաև տարածաշրջանում այդ երկրի իրականացվող գործողությունները:

15:02, 03 ապր

ԵԽ-ն մտադիր է դիտորդներ ուղարկել Թուրքիա՝ տեղում իրավիճակին ծանոթանալու համար

Նման սցենար քննարկվել է Էքրեմ Իմամօղլուի մարտի 23-ի կալանավորումից հետո Եվրոպայի խորհրդի տեղական և տարածաշրջանային ղեկավարությունների կոնգրեսի հրատապ քննարկմանը: