Թուրք լրագրողը դիմել է Էրդողանին. «Դուք դեռ կարիք ունեք ազատ մամուլի»

Հասարակական17:22, 12 Մայիս 2020

Թուրք լրագրողը դիմել է Էրդողանին. «Դուք դեռ կարիք ունեք ազատ մամուլի»

Թուրքական «Halk TV» հեռուստաալիքի լրագրող Շիրին Փայզընը իր վարած հաղորդման ժամանակ անդրադարձել է Էրդողանի կողմից ազատ մամուլի հանդեպ իրականացվող քաղաքականությանը։

Փայզընի հաղորդման նկատմամբ պետությունը պատժամիջոցներ էր սահմանել, և 5 հաղորդում չեղարկվել էր։

Շիրին Փայզընն այս առիթով Թուրքիայի նախագահ Ռեջեփ Թայիփ Էրդողանին հիշեցրել է անցյալից մի հետաքրքիր դրվագ։

Այն ժամանակ, երբ կար քաղաքապետ Էրդողանին եթեր տրամադրելու արգելք, Շիրին Փայզընը, որպես «CNN Türk» հեռուստաալիքի լրագրող, շրջանցել է այդ արգելքն ու Էրդողանին խոսափող է տրամադրել, որպեսզի արտահայտի իր կարծիքը։

Թուրք լրագրողը նշել է, որ Էրդողանն այդ ժամանակ դեռ նոր էր բանտից դուրս եկել։

Լրագրողը, այս դեպքը հիշեցնելով, դիմել է Էրդողանին

«Իրենց գործը ճիշտ անող լրագրողների և ազատ մամուլի կարիքը դուք դեռ ունեք»։