Թուրքիայում գործ են հարուցել Իրանի քաղաքացու նկատմամբ՝ պատշգամբից Բրիտանիայի դրոշով սրբիչ կախելու համար

Իրավական13:20, 20 Մայիս 2020

Թուրքիայում գործ են հարուցել Իրանի քաղաքացու նկատմամբ՝ պատշգամբից Բրիտանիայի դրոշով սրբիչ կախելու համար

Ներկայիս Թուրքիայի Կայսերի (Կեսարիա) նահանգի Քոջասինան շրջանում իրանցին 6 հարկանի շենքի 5-րդ հարկի պատշգամբից սրբիչ է կախել, որի վրա պատկերված է եղել Մեծ Բրիտանիայի դրոշը։ Դեպքը համընկել է Թուրքիայում մայիսի 19-ին նշվող երիտասարդության ու սպորտի տոնի և Աթաթյուրքի հիշատակման օրվա հետ (1919թ․ այդ օրը Մուսթաֆա Քեմալը ժամանել է Սամսուն, ինչը համարվում է քեմալական շարժման մեկնարկ)։

Նշենք, որ այդ օրը ամեն տարի Թուրքիայի ողջ տարածքում թուրքական դրոշներ են փողփողում, իսկ սրբիչի վրա բրիտանական դրոշը աչք է ծակել և հիստերիա է առաջացրել Կեսարիայի ազգայնամոլական շրջանակների մոտ։ Դեպքին անդրադարձել է նաև թուրքական մամուլը։

Դեպքի առնչությամբ քաղաքացիներն ահազանգել են ոստիկանություն, որը բերման է ենթարկել Իրանի քաղաքացի Մոհամմադ Ռեզային։ Ոստիկանները առգրավել են նշյալ սրբիչը։

Իրանցին խոստովանական ցուցմունքի ժամանակ ասել է, որ ինքն իր թաց սրբիչը պատշգամբից կախել է, որպեսզի չորանա այն և հավելել, որ սադրանքի մտադրություն չի ունեցել։

Կայսերիի նահանգապետարանի տարածած հաղորդագրության մեջ նշվում է, որ դեպքի առնչությամբ հետաքննություն է սկսվել։

Աղբյուր` T24

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։