Քըլըչդարօղլու․ «Էրդողանը մեծ բեռ է երկրի համար»

Քաղաքական17:52, 01 Հունիս 2020

Քըլըչդարօղլու․ «Էրդողանը մեծ բեռ է երկրի համար»

Թուրքիայի գլխավոր ընդդիմադիր քեմալիստական «Ժողովրդահանրապետական» կուսակցության (CHP-ԺՀԿ) նախագահ Քեմալ Քըլըչդարօղլուն կրկին կոշտ քննադել է Էրդողանի իշխանությանը։

Քըլըչդարօղլուն, որը Էրդողանին քննադատելու ժամանակ կոպիտ արտահայտություններ օգտագործելու համար Էրդողանի կողմից իր դեմ բացած դատավարությունների արդյունքում արդեն տասնյակ հազարավոր դոլարների փոխհատուցում է վճարել նրան, այս անգամ Թուրքիայի նախագահին «բեռ» է անվանել։

Ըստ ընդդիմադիր կուսակցապետի՝ երկրի դեմոկրատիային վնաս է տալիս այն, որ Էրդողանի իշխանությունը, տեսնելով, որ ինքը գնացող է, չգնալու ճանապարհներ է փնտրում օրենքից ու ժողովրդավարությունից դուրս։

«Էրդողանը ժողովրդավարության, տնտեսության, քաղաքական բարոյականության, վատնումի տեսանկյունից մեր երկրի համար մեծ բեռ է։ Նա (Էրդողանը-խմբ․) տեսնում է դա և իր տեղում մնալու միջոցների փնտրտուքի մեջ է։ Սակայն այդ փնտրտուքները նրա համար ցանկալի արդյունք չեն տալու։ Ժողովուրդը սկսել է ավելի լավ ճանաչել Էրդողանին»,- ասել է Քըլըչդարօղլուն։

Աղբյուր` Diken

Այս ենթաբաժնի վերջին նորությունները

14:32, 17 դեկտ

Թրամփի կարծիքով Սիրիայում Ասադի իշխանությունը տապալելու հետևում կանգնած է Թուրքիան

Թրամփն այս հայտարարությունն արել է լրագրողների հետ հանդիպմանը։

11:50, 17 դեկտ

Թուրքիայի և ինքնահռչակ թուրքական հանրապետության միջև ստորագրված արձանագրությունը վավերացվել է

Թուրքիայի նախագահ Ռեջեփ Թայիփ Էրդողանը վավերացրել է ՀԿԹՀ-ի հետ կնքված առևտրատնտեսական համագործակցության մասին արձանագրությունը։

17:13, 16 դեկտ

Ըստ «Reuters»-ի՝ Ասադը Իրանին բողոքել է Թուրքիայից

Ալի Խամենեին նույնպես մեկնաբանել է իրավիճակը՝ Ասադի տապալման համար պատասխանատու համարելով ԱՄՆ-ին և Իսրայելին, միաժամանակ անուղղակիորեն մեղադրելով Թուրքիային։