Թուրքիայի ազգային ավիափոխադրողը վերսկսում է միջազգային թռիչքները

Հասարակական20:12, 02 Հունիս 2020

Թուրքիայի ազգային ավիափոխադրողը վերսկսում է միջազգային թռիչքները

Թուրքիայի ազգային ավիափոխադրող «Թուրքական ավիաուղիներ» ընկերությունը հունիսի 18-ից վերսկսում է արտաքին թռիչքները։

Նշենք, որ այս ավիափոխադրողը դեռևս մայիսի 28-ից վերսկսել է ներքին և մասամբ նաև միջազգային թռիչքները։

Ընկերությունը եվրոպական 6 երկրի՝ Գերմանիայի, Շվեյցարիայի, Ավստրիայի, Նիդերլանդների, Շվեդիայի և Դանիայի 16 քաղաքների օդանավակայաններից թռիչքներ կիրականացնի դեպի Թուրքիա։ Մասնավորապես 14 ուղիղ չվերթ կլինի Թուրքիայի արևելյան շրջաններ։

2020թ․ամռանը ծրագրվող ուղղություններից 5-ն առաջին անգամ է իրականացվելու. Բազել-Գազիանթեփ, Հանովեր-Դիարբեքիր, Սալզբուրգ-Գիրեսուն, Ֆրանկֆուրտ-Էլազըղ (Խարբերդ), Ամստերդամ-Քայսերի (Կեսարիա)։

Հիշեցնենք, որ ավելի վաղ «Թուրքական ավիաուղիները» հրապարակել էր նախատեսվող թռիչքների ծրագիրը, ըստ որի՝ հունիսին նախատեսվում էր Թուրքիայի ներքին թռիչքներն իրականացնել բոլոր օդնավակայաններում, իսկ արտաքին թռիչքները՝ 19 երկիր։ Ընդհանուր առմամբ հունիսին միջազգային թռիչքները նախատեսվում էին 23 ուղղություններով՝ շաբաթական 73 չվերթ հաճախականությամբ։

Աղբյուր` hurrıyet.com.tr

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։