Իրավական16:55, 05 Հունիս 2020
«Bella ciao» երգի պատճառով թուրք ընդդիմադիր գործիչը կարող է ազատազրկվել 1-3 տարով
Իզմիրի մզկիթների բարձրախոսներով ազանի փոխարեն հնչեցված «Bella ciao» երգի տեսանյութով կիսված թուրք ընդդիմադիր գործչին ազատազրկում է սպառնում։
Իզմիրի գլխավոր դատախազությունը ավելի վաղ տեղեկացրել էր, որ հետաքննություն է սկսվել մզկիթներում այդ երգի հնչեցումը կազմակերպած անձանց և այդ տեսագրությունը գովասանական մեկնաբանություններով սոցցանցերում տարածած անձանց դեմ։
Դատախազության թիրախում է հայտնվել նաև ընդդիմադիր «Ժողովրդահանրապետական» կուսակցության (ԺՀԿ-CHP) ներկայացուցիչ Բանու Օզդեմիրը։ Վերջինս մայիսի 20-ին և 21-ին կիսվել էր մզկիթներում հնչած հայտնի երգի տեսաձայնագրությամբ և մեկնաբանություներ արել ինչի առթիվ մեղադրվել է «այդ արարքը դատապարտելու փոխարեն հանրության շրջանում հրապարակայնորեն թշնամանք ու ատելություն հրահրելու» մեջ։
Օզդեմիրի վերաբերյալ կազմված մեղադրական եզրակացությամբ նշված հանցանքի համար 1-3 տարվա ազատազրկման պահանջ է ներկայացվել։ Ընդդիմադիր գործիչը մայիսի 22-ին կալանավորվել էր, սակայն մայիսի 29-ին ազատ է արձակվել՝ մինչև դատական վճռի կայացումը։ Օզդեմիրի դեմ դատավարությունը կմեկնարկի 2020թ․ սեպտեմնբերի 17-ին։
Հիշեցնենք, որ մայիսի 20-ին Թուրքիայի Իզմիր քաղաքի որոշ մզկիթների բարձրախոսներով ազանի (աղոթքի կանչ) ձայնի փոխարեն հնչել էր իտալական հայտնի ժողովրդական «Bella ciao» երգը (թրգմ․ Մնաս բարով գեղեցկուհի)։ Միջադեպի տեսաձայնագրությունը արագորեն տարածվել էր սոցցանցերում և մամուլում՝ բուռն քննարկումների տեղիք տալով։
Այս ենթաբաժնի վերջին նորությունները
Kurdish Monitoring. «Թուրքիայում քրդերենի նկատմամբ սահմանափակումները ոչ թե պատահական, այլ համակարգային բնույթ են կրում»:
Թուրքիայի «Մարմարա քրեակատարողական հիմնարկների համալիրը» կազմված է 9 փակ և 1 բաց ռեժիմի բանտերից։
Ընդդիմադիր կուսակցության ղեկավար Օզգյուր Օզելից պահանջվում է 15.000 դոլար՝ որպես բարոյական վնասի փոխհատուցում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ռուսաստանի արտգործնախարար Սերգեյ Լավրովը ապրիլի 12-ին կմեկնի Թուրքիա՝ մասնակցելու դիվանագիտական ֆորումին։
Նախորդ տարվա նույն ժամանակահատվածի համեմատ Հայաստան կատարված արտահանման ծավալները նվազել են 14.4%-ով:
Թուրքիայի «Մարմարա քրեակատարողական հիմնարկների համալիրը» կազմված է 9 փակ և 1 բաց ռեժիմի բանտերից։
Ադրբեջանի նախագահ. «Մեր քաղաքականությունը հստակ է։ Մենք միշտ եղբայրական ժողովրդի կողքին ենք եղել և այդպես էլ շարունակելու ենք»:
ԱՄՆ-ն ժամանակին Թուրքիային դուրս էր թողել այդ կործանիչների արտադրության համատեղ ծրագրից, քանի որ Անկարան Ռուսաստանից գնել էր ռուսական S-400 ՀՕՊ համակարգեր:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |