Թուրքիայում «լրտեսության» գործով լրագրող է կալանավորվել

Իրավական12:15, 12 Հունիս 2020

Թուրքիայում «լրտեսության» գործով լրագրող է կալանավորվել

Անկարայի հանրապետական գլխավոր դատախազության կողմից իրականացվող «քաղաքական և ռազմական լրտեսություն» գործով հետաքննության շրջանակներում հունիսի 8-ին բերման ենթարկված լրագրող Մյույեսեր Յըլդըզը կալանավորվել է, իսկ Իսմայիլ Դյուքելը ստորագրությամբ ազատ է արձակվել։

Նշենք, որ Մյույեսեր Յըլդըզը OdaTV լրատվական պորտալի Անկարայի լրատվական ծառայության տնօրենն է, իսկ Իսմայիլ Դյուքելը՝ TELE1 հեռուստաալիքի ներկայացուցիչն Անկարայում։

Ըստ OdaTV-ի՝ Յըլդըզը, որը ռազմական թեմաներ է լուսաբանում, ձերբակալվել էր իր տան խուզարկությունից հետո, որի ընթացքում ոստիկաններն էլեկտրոնային նյութեր էին առգրավել։

Նրանց հարցաքննել է Անկարայում ահաբեկչության և կազմակերպված հանցագործությունների դեմ պայքարի վարչության պատասխանատու գլխավոր դատախազի օգնական Վեյսել Քաչմազը։

Յըլդըզի փաստաբանը հայտնել է, որ իր պաշտպանյալի նկատմամբ կալանավորման որոշման պատճառը OdaTV-ում հրապարակված հետևյալ վերնագրերով լուրերն են՝

«Ովքե՞ր են այն թուրք հրամանատարները, որոնք հանդիպել են Հաֆթարի հետ»

«Ո՞ր հրամանատարն է գնացել Լիբիա․․․Նրա փոխարեն ո՞վ է եկել»։

Աղբյուր` haberturk.com.tr

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։