Թուրքիայում ոստիկանությունը շրջափակել է քրդամետ կուսակցության Վանի նահանգային կառույցի շենքը

Քաղաքական16:26, 15 Հունիս 2020

Թուրքիայում ոստիկանությունը շրջափակել է քրդամետ կուսակցության Վանի նահանգային կառույցի շենքը

Թուրքիայում տասնյակ ոստիկաններ շրջափակման են ենթարկել երկրում ընդդիմադիր ուժ համարվող քրդամետ «Ժողովուրդների դեմոկրատական կուսակցության» (ԺԴԿ-HDP) Վանի նահանգային կառույցի շենքը։ Ոստիկաններն արգելել են կուսակցության Վանի ավագանու անդամներին և կուսակցության շրջանային ղեկավար կազմին մուտք գործել շենք։

Աղբյուրի փոխանցմամբ՝ ոստիկանությունը բացի կուսակցության անդամներից նշյալ տարածքից հեռացրել է բոլորին։

Ոստիկանությունը, որպես շրջափակման պատճառ, ներկայացրել է կուսակցության նահանգային գրասենյակում հունիսի 14-ին տեղի ունեցած հանդիպումը։

Հունիսի 15-ին Հաքքարի և Էդիրնե շրջաններից մինչև մայրաքաղաք Անկարա մեկնարկած «Հեղաշրջման դեմ ժողովրդավարական երթի» համար նախօրեին Վան էին այցելել կուսակցական գործիչներ, այդ թվում կուսակցության համանախագահներից Միթհաթ Սանջարը։ Նրանք այցելել էին կուսակցության նահանգային գրասենյակ և հրապարակել հանդիպման տեսաձայնագրությունները։

Նշվում է, որ Վանի նահանգապետարանը կորոնավիրուսի դեմ պայքարի շրջանակում հունիսի 13-ին հայտարարել էր Վան քաղաքի ելումուտն արգելելու մասին։ Սակայն աղբյուրի հաղորդմամբ՝ այն կապ ունի Վանում կուսակցության հնարավոր քայլերթը խոչընդոտելու հետ։

Աղբյուր` demokrathaber.org

Այս ենթաբաժնի վերջին նորությունները

15:30, 16 ապր

Էրդողանը Սիրիայի շուրջ զարգացումների մասին. «Պետք չէ Թուրքիայի համբերությունը փորձել»

Կառավարության նիստից հետո Թուրքիայի նախագահը դժգոհել է Սիրիայում գործող որոշ ուժերի վարքագծից:

14:49, 16 ապր

Իսրայելական մամուլ. «Սիրիայում Իսրայելն ու Թուրքիան բանակցություններ են վարում»

Նշվում է, որ բանակցությունները ծայրահեղ կարևոր նշանակություն ունեն հնարավոր հակամարտությունը կանխելու և տարածաշրջանում ռազմական գործողությունները համակարգելու տեսանկյունից։

12:11, 16 ապր

Թյուրքական պետությունների կազմակերպության անդամ երկրներից 4-ը չեն ճանաչի ինքնահռչակ ՀԿԹՀ-ի անկախությունը

Այդ քայլը թուրքական մամուլում մեծ տարածում է գտել և որակվել որպես դավաճանություն Թուրքիային և Հյուսիսային Կիպրոսի ինքնահռչակ թուրքական հանրապետությանը։