Քաղաքական10:53, 18 Հունիս 2020
1-ին անգամ ՄԱԿ-ի Գլխավոր վեհաժողովի նախագահ է ընտրվել Թուրքիայի ներկայացուցիչը
Թուրքիայում իշխող «Արդարություն և զարգացում» կուսակցությունից թուրք պատգամավոր Վոլքան Բոզքըրը ընտրվել է ՄԱԿ-ի Գլխավոր վեհաժողովի (ԳՎ) 75-րդ նստաշրջանի նախագահ:
Նախագահի ընտրության քվեարկությունը տեղի է ունեցել հունիսի 17-ին: Հարկ է նշել, որ այդ պաշտոնին առաջադրված միակ թեկնածուն եղել է հենց Թուրքիայի ներկայացուցիչը։
193 երկրի ներկայացուցիչներից միայն Վենեսուելան է ՄԱԿ-ի անդամ երկրների նկատմամբ ունեցած արտաքին պարտքի պատճառով զրկվել քվեարկելու իրավունքից։ Ուստի քվեարկությանը մասնակցելու իրավունք ունեցել է 192 երկիր։
Բոզքըրի թեկնածությանն աջակցել է ՄԱԿ անդամ 178 պետություն, 11-ը ձեռնպահ են մնացել, ևս 3 քվեաթերթիկ անվավեր է ճանաչվել:
Վոլքան Բոզքըրը կհաջորդի ՄԱԿ-ի Գլխավոր վեհաժողովի 74-րդ նստաշրջանի նախագահ Թիջանի Մուհամմադ-Բանդեին և այդ պաշտոնը կզբաղեցնի 2020թ․ սեպտեմբերի 15-ից մինչև 2021թ․ սեպտեմբերը։
Թուրքիայի արտգործնախարար Մևլութ Չավուշօղլուն շնորհավորել է Բոզքըրին և աջակցություն հայտնել։
ՄԱԿ ԳՎ նախագահը պաշտոնապես ավելի բարձր է գնահատվում, քան գլխավոր քարտուղարը, նրան պատիվ է տրվում պետության ղեկավարի մակարդակով, եթե դիվանագիտական այցեր է կատարում: Գործնականում նախագահը հիմնականում արարողակարգային դիրք է գրավում:
Այս ենթաբաժնի վերջին նորությունները
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Զորավարժությունն անցկացվում է Թուրքիայի Մարմարիս քաղաքի «Աքսազ» ռազմածովային բազայում։
Լոնդոնում կազմակերպվել է նրանց հանդիպումը։
ԱՄՆ նորընտիր նախագահ Դոնալդ Թրամփը նրան առաջադրել է «Medicare» և «Medicaid» ծառայությունների կենտրոնի ղեկավարի պաշտոնի համար։
«Անձրևների բացակայությամբ պայմանավորված քաղաքում առկա է այնքան ջուր, որը մոտավորապես կբավարարի 310 օր»,-հայտնել է քաղաքապետարանը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |