Թուրքիան չաշխատող և չսովորող երիտասարդների թվով 48 երկրների շարքում առաջատար է

Հասարակական13:40, 18 Հունիս 2020

Թուրքիան չաշխատող և չսովորող երիտասարդների թվով 48 երկրների շարքում առաջատար է

«Տնտեսական համագործակցության և զարգացման կազմակերպության» (OECD) անցկացրած հետազոտության համաձայն՝ կորոնավիրուսի համավարակի պայմաններում 15-24 տարեկան երիտասարդներին ամենից շատ մտահոգում են հոգեկան առողջությունը, եկամուտներն ու զբաղվածությունը։

Ապրիլի 7-20-ն ընկած ժամանակահատվածում 48 երկրների 90 երիտասարդական կազմակերպության միջոցով անցկացված հետազոտության համաձայն՝ չաշխատող և չսովորող երիտասարդների թվով Թուրքիան վերոնշյալ երկրների շարքում առաջին տեղում է (26 տոկոս)։

Զեկույցում արձանագրվել է, որ համավարակի պատճառով սահմանափակվել են շուրջ 1․5 մլն երիտասարդի կրթության հնարավորությունները, ինչի հետևանքով հետագա կյանքում նրանց համար հասանելի հնարավոր եկամուտների մակարդակը կրճատվել է 7-10 տոկոսով։

Նշվել է նաև, որ ներկայիս սերունդը իրեն նախորդող 25-64 տարեկանների սերնդի համեմատ 2․5 անգամ ավելի շատ է ենթակա գործազուրկ մնալու ռիսկին։

Արձանագրվել է, որ ցածր եկամուտներ ունեցող և ժամանակավոր աշխատանքներ կատարող երիտասարդները ենթակա են աշխատանքը կորցնելու վտանգին։ Իսկ 15-29 տարեկան երիտասարդների շուրջ 35 տոկոսը, ըստ OECD-ի, հենց նման պայմաններով է աշխատում։

Ուսումնասիրությունը ցույց է տվել նաև, որ կորոնավիրուսի համավարակի պատճառով կիրառվող սահմանափակումները, պարտադիր սոցիալական հեռավորության և կարանտինի միջոցառումները երիտասարդների շրջանում սթրես, մտահոգություն և միայնության զգացում են առաջացնում։

Աղբյուր` diken.com.tr

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։