Թուրքիայի Սահմանադրական դատարան․ Դեմիրթաշի իրավունքները ոտնահարվել են

Իրավական11:18, 19 Հունիս 2020

Թուրքիայի Սահմանադրական դատարան․ Դեմիրթաշի իրավունքները ոտնահարվել են

Թուրքիայի Սահմանադրական դատարանը վճռել է, որ քրդամետ ընդդիմադիր «Ժողովուրդների դեմոկրատական» կուսակցության (HDP-ԺԴԿ) նախկին համանախագահ Սելահաթթին Դեմիրթաշը պետք է ազատ արձակվի։

Դատարանը սահմանել է, որ Դեմիրթաշի կալանավորման ողջամիտ ժամկետը վաղուց սպառվել է, հետևաբար խախտվել են նրա անձնական ազատության և անվտանգության իրավունքները։ ՍԴ-ի որոշմամբ՝ Դեմիրթաշն իր իրավունքների ոտնահարման համար 50․000 լիրայի (շուրջ 7300 ԱՄՆ դոլար) բարոյական փոխհատուցում պետք է ստանա։ Փոխհատուցումը պիտի վճարի Թուրքիայի գանձապետարանի և ֆինանսների նախարարությունը։

Դեմիրթաշի փաստաբան Բենան Մոլուն ընդգծել է, որ իր պաշտպանյալի կալանավորման առավելագույն ժամկետը լրացել է դեռևս 2019թ․ սեպտեմբերի 20-ին, իսկ դրանից հետո անազատության մեջ անցկացրած յուրաքանչյուր օր Դեմիրթաշի իրավունքների խախտում է։

Նշենք, որ ԺԴԿ նախկին համանախագահը կալանավորվել էր 2016թ․ նոյեմբերի 4-ին՝ «ահաբեկչական խմբավորման պրոպագանդա կատարելու», «ահաբեկչական խմբավորման անդամ լինելու» և նմանատիպ մեղադրանքներով։

Աղբյուր` gazeteduvar.com.tr

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։