Թուրքիան փախստականների քանակով աշխարհում առաջին տեղն է զբաղեցնում

Միջազգային15:34, 19 Հունիս 2020

Թուրքիան փախստականների քանակով աշխարհում առաջին տեղն է զբաղեցնում

ՄԱԿ-ի Փախստականների հարցերով գերագույն հանձնակատարի գրասենյակի ներկայացրած զեկույցի համաձայն՝ 2019 թվականին 79.5 միլիոն փախստական ստիպված է եղել լքելու իր տունն ու բնակավայրը։ 2018 թվականի համեմատությամբ փախստականների թիվն աշխարհում աճել է 9 միլիոնով։

Գաղթերի հիմնական պատճառը պատերազմներն են, այդ թվում՝ քաղաքացիական։ Հունիսի 20-ը համարվում է փախստականների օր և այդ օրվան ընդառաջ ՄԱԿ-ի կողմից հրապարակված զեկույցում տեղ գտած տվյալների համաձայն՝ աշխարհի բնակչության 1%-ը փախստականի կարգավիճակ ունի։

Նույն զեկույցում հրապարակված տեղեկությունները ցույց են տալիս, որ փախստականների թվով աշխարհում առաջին տեղ է զբաղեցնում Թուրքիան։ Թուրքիայում ներկայումս ապաստանել է շուրջ 3.9 միլիոն փախստական։

Թուրքիայում ապաստան գտած փախստականների շուրջ 92%-ը Սիրիայից են եկել։ Ինչպես հայտնի է՝ Թուրքիան հաճախ է փախստականների խնդիրը օգտագործում մերթ ֆինանսական աջակցություն ստանալու, մերթ շանտաժի և սպառնալիքի նպատակով։

Աղբյուր` diken.com.tr

Այս ենթաբաժնի վերջին նորությունները

11:40, 01 ապր

Ֆրանսիան և Թուրքիան կհամագործակցեն միջուկային բժշկության ոլորտում

«Curium Pharma»-ը ձեռք է բերել քաղցկեղի ախտորոշման և բուժման մեջ օգտագործվող ռադիոակտիվ նյութերի արտադրման մեջ մասնագիտացված թուրքական ընկերություն։

13:16, 31 մարտ

Մակրոնը շնորհավորել է Էրդողանին

Այդ մասին հայտարարություն է տարածել Թուրքիայի նախագահականին կից հանրային կապերի վարչությունը։

11:31, 27 մարտ

Հույները դիմել են Թրամփին Թուրքիայի դեմ հանդես գալու պահանջով

Ամերիկայում գործող հունական «Helenik» համալսարանը նամակ է հղել Թուրքիայի արտաքին գործերի նախարար Հաքան Ֆիդանի օրերս Վաշինգտոն կատարած պաշտոնական այցից հետո։