ՆԱՏՕ-ն կզբաղվի Միջերկրական ծովում թուրք-ֆրանսիական կոնֆլիկտի ուսումնասիրմամբ

Միջազգային17:51, 19 Հունիս 2020

ՆԱՏՕ-ն կզբաղվի Միջերկրական ծովում թուրք-ֆրանսիական կոնֆլիկտի ուսումնասիրմամբ

ՆԱՏՕ-ն հատուկ ուսումնասիրություն կանցկացնի՝ պարզելու Միջերկրական ծովում ֆրանսիական և թուրքական նավերի միջև տեղի ունեցած միջադեպի մանրամասները։

Ֆրանսիայի պաշտպանության նախարար Ֆլորենս Փարլին հունիսի 10-ին հայտարարել էր, որ թուրքական ռազմանավը Միջերկրական ծովի արևելքում ագրեսիվ պահվածք է դրսևորել ֆրանսիական «Courbet» նավի նկատմամբ, որը ՆԱՏՕ-ի շրջանակներում փորձում էր պարզել՝ արդյոք թուրքական «Cirkin» անօրինական ճանապարհով զենք է տեղափոխում Լիբիա։

Մի բարձրաստիճան թուրք պաշտոնյա այդ հայտարարությանն ի պատասխան պնդել էր, թե ֆրանսիական կողմի մեղադրանքները հեռու են իրականությունից և որևէ հավաստի ապացույց չունեն։ Մյուս կողմից, ըստ նրա, առկա են փաստական ապացույցներ առ այն, որ թուրքական նավը որևէ ագրեսիա չի դրսևորել և այդ փաստերը ներկայացվել են ՆԱՏՕ-ին։

ՆԱՏՕ-ի գլխավոր քարտուղար Յենս Ստոլտենբերգը հունիսի 18-ին կայացած ՆԱՏՕ-ի անդամ երկրների պաշտպանության նախարարների հանդիպումից հետո կազմակերպված մամուլի ասուլիսի ժամանակ հայտնել է, որ միջադեպը քննարկվել է նշված հանդիպման ընթացքում։

«Համոզված եղեք, որ ՆԱՏՕ-ի ռազմական առաջնորդները ուսումնասիրում են միջադեպը՝ բոլոր հանգամանքները պարզելու նպատակով», - նշել է Ստոլտենբերգը։

Աղբյուր` diken.com.tr

Այս ենթաբաժնի վերջին նորությունները

11:40, 01 ապր

Ֆրանսիան և Թուրքիան կհամագործակցեն միջուկային բժշկության ոլորտում

«Curium Pharma»-ը ձեռք է բերել քաղցկեղի ախտորոշման և բուժման մեջ օգտագործվող ռադիոակտիվ նյութերի արտադրման մեջ մասնագիտացված թուրքական ընկերություն։

13:16, 31 մարտ

Մակրոնը շնորհավորել է Էրդողանին

Այդ մասին հայտարարություն է տարածել Թուրքիայի նախագահականին կից հանրային կապերի վարչությունը։

11:31, 27 մարտ

Հույները դիմել են Թրամփին Թուրքիայի դեմ հանդես գալու պահանջով

Ամերիկայում գործող հունական «Helenik» համալսարանը նամակ է հղել Թուրքիայի արտաքին գործերի նախարար Հաքան Ֆիդանի օրերս Վաշինգտոն կատարած պաշտոնական այցից հետո։