Քաղաքական10:14, 23 Հունիս 2020
Մակրոն․ «Թուրքիան վտանգավոր խաղ է խաղում Լիբիայում»
Ֆրանսիայի նախագահ Էմանուել Մակրոնը Թունիսի նախագահ Կաիս Սաիդիի հետ համատեղ մամուլի ասուլիսում անդրադարձել է Լիբիայում Թուրքիայի գործողություններին։ Մակրոնը հայտնել է, որ Թուրքիան Լիբիայում վտանգավոր խաղ է խաղում։
«Հնարավորություն ունեցա շատ հստակ կերպով Թուրքիայի նախագահ Ռեջեփ Թայիփ Էրդողանին հայտնելու, որ այժմ Թուրքիան վտանգավոր խաղ է խաղում Լիբիայում և խախտում է Բեռլինի կոնֆերանսի ժամանակ ստանձնած պարտավորությունները»։
Ֆրանսիայի նախագահն այնուհետև անդրադարձել է վերջերս Լիբիայի ափամերձ գոտում ֆրանսիական և թուրքական ռազմանավերի միջև տեղի ունեցած միջադեպին։ Նրա խոսքով՝ այդ միջադեպը «ՆԱՏՕ-ի «ուղեղի մահվան» ապացույցն է։
Մակրոնը բոլոր կողմերին կոչ է արել Լիբիայում պահպանել հրադադարի ռեժիմը։ Նաև նշել է, որ թույլ չեն տա Թուրքիային առաջխաղացում ունենալ Լիբիայում՝ շեշտելով, որ այդ Թուրքիայի նկատմամբ կոշտ դիրքորոշում են ունենալու։
Բրիտանական «Reuters» լրատվական գործակալությունը գրել է, որ Մակրոնի այս հայտարարությունները պատասխան են Թուրքիայի կողմից Լիբիայի Ազգային համաձայնություն կառավարությանը ցուցաբերված աջակցությանը։
Հիշեցնենք, որ թուրքական ռազմանավը Լիբիայի ափամերձ շրջանում հրաժարվել էր կատարել տեղափոխվող բեռի ստուգման մասին ֆրանսիական ռազմանավի հրահանգը, որը մասնակցում էր ՆԱՏՕ-ի Sea Guardian գործողություններին:
Խուսափելով ստուգումից՝ թուրքական նավը ռադարային համակարգի օգնությամբ նշանառության տակ էր առել ֆրանսիական ռազմանավը, ինչը ֆրանսիական ռազմական գերտեսչությունը դիտարկել էր որպես «թշնամական և ագրեսիվ գործողություն»:
Այս ենթաբաժնի վերջին նորությունները
Օրակարգում են եղել երկկողմ, տարածաշրջանային և համաշխարհային նշանակության հարցեր։
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրակարգում են եղել երկկողմ, տարածաշրջանային և համաշխարհային նշանակության հարցեր։
Վաշինգտոնը շարունակում է ճնշում գործադրել Թուրքիայի վրա, որպեսզի Անկարան Ռուսաստանին չօգնի շրջանցել սահմանված պատժամիջոցները:
Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։
«Թուրքիայի արտահանողների միության» նախագահի պաշտոնակատար Ահմեդ Գյուլեչն անդրադարձել է Թուրքիայի կողմից ԱՄՆ-ում կատարված ներդրումներին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |