Թուրքիայի արձագանքը Եվրամիությանը. «Մենք հիասթափված ենք»

Հասարակական13:49, 01 Հուլիս 2020

Թուրքիայի արձագանքը Եվրամիությանը. «Մենք հիասթափված ենք»

Թուրքիայի արտգործնախարարության խոսնակ Համի Աքսոյն արձագանքել է Եվրամիության այն որոշմանը, ըստ որի՝ Թուրքիան դուրս է մնացել հուլիսի 1-ից ԵՄ- ի հետ ուղևորափոխադրումները վերսկսելու իրավունք ունեցող երկրների ցանկից։

«Մենք հիասթափված ենք։ Հույս ունենք, որ մեր քաղաքացիների ուղևորությունների սահմանափակմանը վերաբերող այդ սխալն ամենասեղմ ժամկետում կշտկվի»- հայտարարել է Աքսոյը։

Նրա խոսքով՝ Թուրքիան արդյունավետ է պայքարում կորոնավիրուսի համավարակի դեմ։ Ուստի ԵՄ-ն պետք է որոշումներ կայացնելիս առաջնորդվի օբյեկտիվ չափանիշներով։

«Թուրքիայի հաջողությունն ակնհայտ է։ Կորորնավիրուսի համավարակի դեմ Թուրքիայի ձեռնարկած միջոցառումներն ու կատարած աշխատանքի հաջողությունն ակնհայտ է», - պնդել է ԱԳՆ խոսնակը։

Հիշեցնենք, որ նախօրեին հայտնի էր դարձել այն երկրների ցանկը, որոնց քաղաքացիների առաջ Եվրամիությունը հուլիսի 1-ից կրկին կբացի իր սահմանները։ Այդ ցանկում Թուրքիան տեղ չէր գտել, քանի որ երկրում կորոնավիրուսով պայմանավորված իրավիճակը դեռևս շարունակում է վտանգավոր մնալ։

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։