Թուրքիայում աղոթքի կանչի փոխարեն մզկիթից հնչել է թուրքական երգ (տեսանյութ)

Հասարակական14:34, 08 Հուլիս 2020

Թուրքիայում աղոթքի կանչի փոխարեն մզկիթից հնչել է թուրքական երգ (տեսանյութ)

Թուրքիայի աշխարհիկ կենտրոններից մեկը համարվող Իզմիրում մզկիթներում տեղի է ունեցել հերթական աղմկահարույց դեպքը։

Հուլիսի 7-ի լույս 8-ի գիշերն Իզմիրի Քարշըյաքա շրջանում գտնվող մզկիթներից մեկում բարձրախոսներով ազանի (աղոթքի կանչ) ձայնի փոխարեն հնչել է թուրք հայտնի երգիչ Մյուսլյում Գյուրսեսի «Unutamadım» երգը։

Բնակիչներն այն տեսաձայնագրել և տեղադրել են համացանցում, որը լրատվամիջոցներում և սոցցանցերում բուռն քննարկման առարկա է դարձել։

Նշենք, որ մայիսի 20-ին Իզմիր նահանգի որոշ մզկիթների բարձրախոսներով ազանի ձայնի փոխարեն հնչել էր իտալական հայտնի ժողովրդական «Bella ciao» երգը (թրգմ․ Մնաս բարով գեղեցկուհի), որը հիստերիայի ալիք էր բարձրացրել մոլեռանդ մուսուլմանական շրջանակների մոտ, թուրքական մամուլում, և քննարկման առարկա դարձել սոցցանցերում։ Իսկ մայիսի 21-ին Իզմիր նահանգի Բորնովա և Բայրաքլը շրջանների մզկիթներում հնչել էր թուրք երգչուհի Սելդա Բաղջանի երգերից մեկը։

Միջադեպի կապակցությամբ Իզմիրի գլխավոր հանրապետական դատազությունը հետաքննություն էր սկսել երգեր հնչեցնող անձանց, ինչպես նաև վերջիններիս աջակցող սոցցանցերի օգտատերերի նկատմամբ։ Վերոհիշյալ անձինք մեղադրվում են «կրոնական արժեքները ոտնահարելու մեջ»։

Աղբյուր` demokrathaber.org

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։