Հասարակական12:18, 28 Հուլիս 2020
Թուրքիայի այս քաղաքացու մասին ասում են, որ նա կատվի պես «9 կյանք» ունի
Թուրքիայի Մարմարիս քաղաքում բնակվող 42-ամյա Մեհմեթ Օվեթը կատվի նման «ինը կյանք» ունի։ Նա դեռ մանկուց բազմաթիվ անգամ մազապուրծ է եղել մահից։ Երեք երեխաների հայրը 3 անգամ ընկել է բարձրությունից, 1 անգամ հոսանքահարվել է, մոտոցիկլետով վթարի է ենթարկվել, հրազենային վնասվածք է ստացել և փրկվել է ջրում խեղդվելուց։
Առաջին դեպքը տեղի է ունեցել 7 տարեկանում, երբ տղան վայր է ընկել 7 մետր բարձրությունից՝ տան երրորդ հարկից։ Օվեթը 4 օր անցկացրել է վերակենդանացման բաժանմունքում, իսկ դուրս գրվելուց 7 ամիս անց նոր արկածի մեջ է ընկել։ Այս անգամ Մարմարիսի Յաթ նավահանգստի ափամերձ ջրերում՝ 6․5 մետր խորության վրա լողալիս տղան վնասվածնքներ է ստացել և արյունաքամ լինելով ուշաթափվել ջրում։ Տղայի սիրտը կանգ է առել, քաղաքացիները նրան դուրս են բերել 9 մետր խորությունից, իսկ բժիշկներին հաջողվել է վերականգնել սրտի աշխատանքը։
Տարրական դպրոցն ավարտելուց հետո Օվեթը չի շարունակել ուսումը, սկսել է աշխատել մի ընկերությունում։ Այստեղ 1991թ․ իր վարպետի հետ մասնակցել է մի վերելակի վերանորոգման աշխատանքներին և այդ ընթացքում հոսանքահարվել է։ Տղայի սիրտը նորից կանգ է առել, բայց բժիշկները դարձյալ կարողացել են նրան փրկել։
2000թ․ սեփական ընկերությունը հիմնած Օվեթը 11 ամիս տարբերությամբ 2 անգամ ընկել է մեծ բարձրությունից։ Առաջին անգամ հավասարակշռությունը կորցնելով ընկել է բետոնե հատակին, երբ 9 մետր բարձրության վրա ալեհավաք էր տեղադրում։ Իսկ երկրորդ անգամ երրորդ հարկից ընկել է փտած բազրիքի կոտրվելու պատճառով․ ստացել է բազմաթիվ վնասվածքներ ու կոտրվածքներ։
2008 թ․ մի վեճի ժամանակ երիտասարդը հրազենային վնասվածք է ստացել․ նրա մարմնում հայտնաբերվել է 15 փամփուշտ, որոնցից բժիշկները կարողացել են հեռացնել միայն 10-ը։ Մյուս 5-ը վտանգավոր տեղում են գտնվել, ուստի չեն հեռացվել և, փաստորեն, ողջ կյանքում Օվեթը պետք է ապրի՝ այդ փամփուշտները կրելով իր մարմնում։ Վնասվածքներից հետո տղան 60 օր է անցկացրել վերակենդանացման բաժանմունքում։
2014թ․ մոտոցիկլետով ավտոբուսի հետ բախված Օվեթը դարձյալ 78 օր գտնվել է վերակենդանացման բաժանմունքում․ վթարի հետևանքով երիտասարդը մարմնի տարբեր մասերում 8 կոտրվածք է ստացել, ուղեղում 7 այտուց է առաջացել, վնասվել են թոքերը, աղիների մի մասը վիրահատությամբ հեռացվել է։
Այս յոթերորդ վթարից հետո Մեհմեթ Օվեթը փաստորեն 79 տոկոսով հաշմանդամ է ճանաչվել և նրան հաշմանդամության թոշակ է նշանակվել։ Չնայած դրան՝ տղամարդն այսօր իր կնոջ հետ եգիպտացորեն է վաճառում Մարմարիսի մարդաշատ լողափերից մեկում։
Այս ենթաբաժնի վերջին նորությունները
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Լոնդոնում կազմակերպվել է նրանց հանդիպումը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |