Խալիֆայությունը վերականգնելու կոչ արած թուրքական շաբաթաթերթի դեմ դատական հայց է ներկայացվել

Իրավական13:21, 28 Հուլիս 2020

Խալիֆայությունը վերականգնելու կոչ արած թուրքական շաբաթաթերթի դեմ դատական հայց է ներկայացվել

Անկարայի փաստաբանների պալատը դատի է տվել թուրքական «Gerçek Hayat» շաբաթաթերթին, որն իր վերջին համարում խալիֆայությունը վերականգնելու կոչ էր արել։

Դատական հայցը ներկայացվել է ինչպես շաբաթաթերթի գլխավոր խմբագիր Քեմալ Օզերի, այնպես էլ թերթի շապիկը Twitter-ում հրապարակած Աբդուրահման Դիլիփաքի դեմ, որը թղթակցում է իշխանամետ «Yeni Akit» թերթին։

Հայցում նշված անձինք մեղադրվել են «Թուրքիայի Հանրապետության դեմ զինված ապստամբություն հրահրելու», «Ժողովրդի մեջ թշնամանք և ատելություն սերմանելու» մեջ։

Հիշեցնենք, որ Թուրքիայի նախագահ Ռեջեփ Թայիփ Էրդողանի հետ մտերիմ հարաբերություններով հայտնի «Albayrak Medya Grubu»ի կազմում գտնվող շաբաթաթերթը հուլիսի 27-օգոստոսի 2-ի համարի շապիկին տեղ էր գտել հետևյալ գրությունը․ «Եթե ոչ հիմա, ապա ե՞րբ, եթե ոչ դու, ապա ո՞վ։ Համախմբվեք հանուն խալիֆայության»։

Աղբյուր` diken.com.tr

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։