Ռազմական12:30, 05 Օգոստոս 2020
Թուրքական լրատվամիջոցն անդրադարձել է թուրք-ադրբեջանական զորավարժությունների ռազմավարական նշանակությանը
Թուրքական մերձիշխանական «Yeni Safak» լրատվամիջոցը ծավալուն հոդվածով անդրադարձել է Նախիջևանում ընթացող թուրք-ադրբեջանական համատեղ զորավարժությունների ռազմավարական նշանակությանը։
Բացի այն, որ ավանդաբար արդեն նշյալ երկու պետությունները նմանատիպ զորավարժություններով փորձում են ցույց տալ ռազմական բնագավառում ունեցած իրենց սերտ համագործակցությունը, ըստ թուրքական կայքի՝ այս անգամ զորավարժությունները հետապնդում են նաև մի շարք այլ ռազմավարական նպատակներ։
Հոդվածում նշվում է, որ Թուրքիան և Ադրբեջանը համատեղ են ապահովում Բաքու-Թբիլիսի-Ջեյհան նավթամուղի, «Հարավային հոսք» գազատարի, ինչպես նաև Բաքու-Թբիլիսի-Կարս երկաթուղու անվտանգությունը։ Եվ շեշտվում է, որ հուլիսի 12-ից 14-ը Հայաստանը հարձակվել էր Ադրբեջանի հենց այն շրջանի վրա (Թովուզ), որտեղով անցնում են Ադրբեջանի և Թուրքիայի համար ռազմավարական նշանակություն ունեցող նախագծերy։
Զորավարժությունները դիտարկվում են նաև տարածաշրջանային հակամարտությունների համատեքստում։ Ռեգիոնալ հակամարտություն ասելով՝ Թուրքիան նախևառաջ նկատի ունի Ղարաբաղի խնդիրը։ Ուստի նմանատիպ զորավարժությունների կազմակերպումը, ըստ թուրքական լրատվամիջոցի, կարևոր է թե բանակցային գործընթացում Ադրբեջանի դիրքերի ամրապնդման և թե ռազմական աջակցության ու ուժի ցուցադրման տեսանկյունից։
Հոդվածի հեղինակի դիտարկմամբ՝ ՀՀ վարչապետ Նիկոլ Փաշինյանը և Պաշտպանության նախարար Դավիթ Տոնոյանը փորձել են Թովուզի ուղղությամբ նոր դիրքեր գրավել և այդպիսով բանակցային գործընթացում Ադրբեջանի նկատմամբ թելադրողի կարգավիճակ ձեռքբերել, սակայն դա չի հաջողվել։
Այս ենթաբաժնի վերջին նորությունները
Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։
Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ:
Ամերիկյան «Global Firepower» կայքը կազմել է2024-ի աշխարհի ամենահզոր ռազմական նավատորմեր ունեցող երկրների ցանկը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Լոնդոնում կազմակերպվել է նրանց հանդիպումը։
Թուրքիայի ներքին գործերի նախարար Ալի Յերլիքայան սոցցանում գրառում է արել երկրում ներգաղթյալների թվաքանակի վերաբերյալ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |