Թուրքիայում ավագանու իշխանական նախկին անդամը դատապարտվել է Աթաթուրքին վիրավորելու համար

Իրավական15:49, 11 Օգոստոս 2020

Թուրքիայում ավագանու իշխանական նախկին անդամը դատապարտվել է Աթաթուրքին վիրավորելու համար

Թուրքիայի իշխող «Արդարություն և զարգացում» կուսակցության (ԱԶԿ-AKP) անդամ, Սամսուն քաղաքի խորհրդի նախկին փոխնախագահ Հասան Ուզունլարի վերաբերյալ Աթաթուրքին վիրավորելու գործով ընթացող դատավարությունն ավարտվել է։ Դատարանը Թուրքիայի Հանրապետության հիմնադիր-նախագահ Մուստաֆա Քեմալ Աթաթուրքին վիրավորող գրառումներով սոցցանցում կիսված Ուզունլարին դատապարտել 10 ամսվա ազատազրկման, սակայն հետաձգել է պատժի կիրառումը։

Նշվում է, որ Ոզունլարն այդ հրապարակումներն արել է պաշտոնավարման ժամանակ։ Այն ժամանակ, տեղի տալով որոշ բողոքների ԱԶԿ-ն պաշտոնանկ էր արել նրան, ապա կարգապահական տույժի ենթարկել։

Ուզունլարը դատարանում հայտնել է, որ ինքը ընդամենը կիսվել է ուրիշի արած գրառումով, գրառման հեղինակը ինքը չէ և դրանք լայնորեն տարածված են համացանցում։ Դատատանում, սակայն չեն ընդունվել նրա առարկությունները, հիմնավորմամբ, որ ուրիշի հրապարակումներով համացանցում կիսվելը հավասարազոր է կիսվողի գրածին։

Նշվում է, որ պատժի կիրառման հետաձգումը անմիջապես ենթակա է իրագործման այն պարագայում, եթե Ուզունլարը առաջիկա 5 տարիների ընթացքում դատապարտվի որևէ հանցագործություն կատարելու պատճառով։

Աղբյուր` T24

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։