Թուրքական անօդաչու թռչող սարքերի հարվածի հետևանքով իրաքցի զինվորականներ են զոհվել

Ռազմական12:44, 12 Օգոստոս 2020

Թուրքական անօդաչու թռչող սարքերի հարվածի հետևանքով իրաքցի զինվորականներ են զոհվել

Պաշտոնական Բաղդաղը չեղարկել է Թուրքիայի պաշտպանության նախարար Հուլուսի Աքարի այցը և ԱԳՆ է հրավիրել Թուրքիայի դեսպանին: Այդ մասին հայտնում է Regionmonitor լրատվական կայքը։

Պատճառն այն է, որ օգոստոսի 11-ին թուրքական ԱԹՍ-ների հարվածից Իրաքի հյուսիսարևելյան Սիդաքան շրջանում (Իրաքյան Քրդաստան, Էրբիլի նահանգ) 3 սահմանապահ էր զոհվել:

«Այդ գործողությունը երկրի ինքնիշխանության և անձեռնմխելիության խախտում է, ինչպես նաև հարձակում, որը խախտում է միջազգային նորմերն ու օրենքները, որոնք կարգավորում են երկու երկրների հարաբերությունները»,-նշված է Իրաքի ԱԳՆ հայտարարության մեջ:

Հայտարարության մեջ նաև ասվում է, որ Իրաքի ԱԳՆ-ը բողոքի նոտա կհղի թուրք դեսպանին։

Իրաքը նաև սպառնացել է Թուրքիային վերանայել տարբեր ոլորտներում երկրների միջև համագործակցության պայմանները, եթե Անկարան շարունակի անտեսել իրաքյան ինքնիշխանության նկատմամբ խախտումները դադարեցնելու պահանջները:

Նշենք, որ թուրք նախարարի այցը Բաղդադ նախատեսված էր հինգշաբթի՝ օգոստոսի 13-ին:

Աղբյուր` Regionmonitor

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: