ԱՄՆ-ն նախազգուշացնում է իր քաղաքացիներին չմեկնել Թուրքիա

Միջազգային14:21, 27 Օգոստոս 2020

ԱՄՆ-ն նախազգուշացնում է իր քաղաքացիներին չմեկնել Թուրքիա

ԱՄՆ-ի Պետքարտուղարությունը թարմացրել է այն երկրների ցանկը, որոնք COVID-19 նոր տիպի կորոնավիրուսի համաճարակի պատճառով գտնվում են ճանապարհորդության համար վտանգավոր 3-րդ մակարդակում։

Այդ երկրների շարքում Թուրքիան նույնպես շարունակում է տեղ զբաղեցնել 3-րդ մակարդակում։

Դեռևս մարտ ամսին հրապարակված այս ցուցակը անընդհատ թարմացվում է ԱՄՆ-ի Պետքարտուղարության կողմից։

Նախազգուշացման մեջ նշվում է նաև, որ Թուրքիայի որոշ շրջաններում համաճարակը մեծ թափով է տարածվում և եթե ԱՄՆ քաղաքացիները ստիպված են ճամփորդել դեպի Թուրքիա, անպայման պետք է հետևեն պետքարտուղարության կողմից հրապարակված խորհուրդներին։

Թուրքիայի որոշ շրջաններ էլ ներառվել են ճանապարհորդության համար վտանգավոր 4-րդ մակարդակում։ Դա պայմանավորված է ահաբեկչության վտանգով։ Այդ շրջաններն են Շըրնաք և Հաքյարի նահանգները։ 4-րդ մակարդակում են ընդգրկված նաև Սիրիայի սահմանից մինչև 10 կմ հեռավորության վրա գտնվող բնակավայրերը։

Օգոստոսի 6-ին ԱՄՆ Պետքարտուղարության կողմից հրապարակված ցուցակում վտանգավոր գոտուց հանվել են 12 բնակավայրեր։ Դրանք են՝ Բաթմանը, Բինգյոլը, Բիթլիսը, Դիարբեքիրը, Գազիանթեփը, Հաթայը, Քիլիսը, Մարդինը, Շանլըուրֆան, Սիիրթը, Թունջելին և Վանը։

Այս ենթաբաժնի վերջին նորությունները

11:40, 01 ապր

Ֆրանսիան և Թուրքիան կհամագործակցեն միջուկային բժշկության ոլորտում

«Curium Pharma»-ը ձեռք է բերել քաղցկեղի ախտորոշման և բուժման մեջ օգտագործվող ռադիոակտիվ նյութերի արտադրման մեջ մասնագիտացված թուրքական ընկերություն։

13:16, 31 մարտ

Մակրոնը շնորհավորել է Էրդողանին

Այդ մասին հայտարարություն է տարածել Թուրքիայի նախագահականին կից հանրային կապերի վարչությունը։

11:31, 27 մարտ

Հույները դիմել են Թրամփին Թուրքիայի դեմ հանդես գալու պահանջով

Ամերիկայում գործող հունական «Helenik» համալսարանը նամակ է հղել Թուրքիայի արտաքին գործերի նախարար Հաքան Ֆիդանի օրերս Վաշինգտոն կատարած պաշտոնական այցից հետո։