Ադրբեջանի ուժայինները պատերազմին դեմ արտահայտվող ակտիվիստի են ձերբակալել

Քաղաքական12:24, 29 Սեպտեմբեր 2020

Ադրբեջանի ուժայինները պատերազմին դեմ արտահայտվող ակտիվիստի են ձերբակալել

Ադրբեջանի կողմից Արցախի դեմ սանձազերծված պատերազմի վերաբերյալ ցանկացած խաղաղասիրական կամ գործողությունների դադարեցման շուրջ գրառումներ կատարելու փորձերը իսկույնևեթ արժանանում են Ադրբեջանի ուժային կառույցների բիրտ ճնշմանը:

Ադրբեջանցի ակտիվիստ Գիյաս Իբրահիմովը ձերբակալվել է երկրի հատուկ ծառայությունների կողմից` համացանցում հակապատերազմական կոչեր անելու համար:

Իբրահիմովի օգտահաշվում հրապարակված տեսանյութում երևում է, թե ինչպես են Ադրբեջանի անվտանգության ծառայությունները մուտք գործում Բաքվում գտնվող իր բնակարան և հրաժարվում պարզաբանել, թե ինչու են իրեն ձերբակալում:

«Սկզբում նրանք ասացին, որ ոստիկանությունից են, ասացին, որ ինձ կտանեն զինվորական կոմիսարիատ, ես խնդրեցի, որպեսզի փաստաթղթեր ներկայացնեն, իսկ նրանք ասացին, որ կտանեն ինձ Ազգային անվտանգության ծառայություն»,- տեսանյութում ասում է Իբրահիմովը:

Նշվում է, որ ադրբեջանցի ակտիվիստը բերման ենթարկվելուց 2 ժամ անց ազատ է արձակվել:

Ավելի վաղ 2016թ. մայիսին Իբրահիմովը Ադրբեջանի նախկին նախագահ Հեյդար Ալիևի արձանի վրա գրաֆիտի պատկերելու համար ադրբեջանցի մեկ այլ ակտիվիստ Բայրամ Մեմմեդովի հետ միասին կալանավորվել էր:

Աղբյուր` gazeteduvar.com.tr

Այս ենթաբաժնի վերջին նորությունները

14:32, 17 դեկտ

Թրամփի կարծիքով Սիրիայում Ասադի իշխանությունը տապալելու հետևում կանգնած է Թուրքիան

Թրամփն այս հայտարարությունն արել է լրագրողների հետ հանդիպմանը։

11:50, 17 դեկտ

Թուրքիայի և ինքնահռչակ թուրքական հանրապետության միջև ստորագրված արձանագրությունը վավերացվել է

Թուրքիայի նախագահ Ռեջեփ Թայիփ Էրդողանը վավերացրել է ՀԿԹՀ-ի հետ կնքված առևտրատնտեսական համագործակցության մասին արձանագրությունը։

17:13, 16 դեկտ

Ըստ «Reuters»-ի՝ Ասադը Իրանին բողոքել է Թուրքիայից

Ալի Խամենեին նույնպես մեկնաբանել է իրավիճակը՝ Ասադի տապալման համար պատասխանատու համարելով ԱՄՆ-ին և Իսրայելին, միաժամանակ անուղղակիորեն մեղադրելով Թուրքիային։