Էստուկյան․«Թուրքիայի վարքագիծը հայերին ստիպում է, որ իրենց վատ զգան»

Ղարաբաղ17:38, 12 Հոկտեմբեր 2020

Էստուկյան․«Թուրքիայի վարքագիծը հայերին ստիպում է, որ իրենց վատ զգան»

Թուրքիայում լույս տեսնող «Ակոս» հայկական շաբաթաթերթի հայերեն բաժնի խմբագիր, հայ համայնքի շրջանակներում ճանաչված հասարակական գործիչ Բագրատ Էստուկյանը «Euronews»-ի թուրքական ծառայությանը տված հարցազրույցում անդրադարձել է արցախյան հիմնախնդրին և վերջին զարգացումներին։

Էստուկյանը նշել է, որ տարիներով շարունակվող պատերազմը համաձայնագրով չհանգուցալուծվելու պատճառը կապված է Հայաստանի և Ադրբեջանի միջև ճգնաժամի հետևանքով ստեղծված ԵԱՀԿ Մինսկի խմբի անդամների հետ։ Նրա կարծիքով՝ այդ երկրները սատարում են ոչ թե խաղաղությանը, այլև փակուղուն։

Պոլսահայ գործիչը, անդրադառնալով արցախա-ադրբեջանական պատերազմի շուրջ Թուրքիայի որդեգրած դիրքորոշմանը, հայտնել է․

«Թուրքիայի վարքագիծը հայերին ստիպում է, որ իրենց վատ զգան»։

Էստուկյանը նկատել է, որ Թուրքիան վերջին 6 տարում փոփոխություններ է կրել։ Նրա խոսքով՝ մտահոգիչ է, որ այդ երկրում վերացել են աշխարհիկ և ժողովրդավարական կառույցները։

Նա ճիշտ չի համարում Թուրքիայի աջակցությունն Ադրբեջանին ընդդեմ Հայաստանի` հավելելով, որ այդուհետ բավական դժվար է թվում, թե Հայաստանը և Թուրքիան լավ հարաբերություններ կկառուցեն։

Ինչ վերաբերում է այս պատերազմի պատճառով Թուրքիայում տարածված ատելության խոսքին, ապա նա այդ ամենը կապում է ազգայնականության հետ։

Աղբյուր` tr.euronews.com

Այս ենթաբաժնի վերջին նորությունները

17:30, 10 հունվ

Էրդողանը Լեռնային Ղարաբաղի օկուպացիան վերագրել է թուրք ժողովրդի շահերին

Թուրքիայի նախագահը MIT- հիմնադրման 97-ամյակին նվիրված միջոցառմանն անդրադարձել է Լեռնային Ղարաբաղի խնդրին:

12:26, 14 դեկտ

Ալիևն ընդունել է Թուրքիայի արտգործնախարարին

Ֆիդանը հանդիպելու է նաև Ադրբեջանի արտգործնախարար Ջեյհուն Բայրամովի հետ, որից հետո կողմերը մամուլի ասուլիս կտան։

09:28, 16 նոյ

Թուրքական զորակազմը ևս 1 տարի կմնա Արցախի օկուպացված տարածքներում

Թուրքիայի խորհրդարանում ընդունվել է Աղդամի ռուս-թուրքական մշտադիտարկման կենտրոնում Թուրքիայի զինանձնակազմի ծառայության ժամկետը երկարաձգելու մասին նախագիծ: