Ռազմական19:40, 27 Հոկտեմբեր 2020
Ավստրիան դադարեցրել է թուրքական «Bayraktar»–ի համար շարժիչների մատակարարումը
Ավստրիական «Rotax» ընկերությունը դադարեցրել է թուրքական «Bayraktar TB2» հարվածային ԱԹՍ-ների վրա օգտագործվող շարժիչների մատակարարումը։ Այս մասին հայտնել է «Rotax» ընկերության մամուլի խոսնակը:
«Bayraktar TB2» անօդաչու թռչող սարքերն օգտագործվում են թիրախավորված սպանությունների նպատակով ոչ միայն Քուրդիստանի բանվորական կուսակցության (PKK) և նրա դաշնակից սիրիական աշխարհազորայինների դեմ պայքարում, այլև ղարաբաղյան հակամարտությունում»,- նշում է լրատվամիջոցը:
Մինչ այս «Rotax» ընկերությունը պատասխանատվություն չի զգացել իր շարժիչների օգտագործման նպատակի համար, քանի որ դրանք ի սկզբանե արտադրված են եղել թեթև և գերթեթև ինքնաթիռների համար, և գնորդին վաճառվել են նաև միջազգային գործակալությունների միջոցով: Մասնավորապես, Թուրքիային այդ շարժիչները մատակարարվում էին Իտալիայից։
Նշվում է, որ «Bayraktar TB2» արտադրող «Kale Baykar» ընկերությունը այդ շարժիչները գնել է ոչ թե անմիջապես Ավստրիայից, այլ՝ Իտալիայի միջոցով։ Rotax-ը չի հետևել իր շարժիչների վերջնական գնորդներին, քանի որ ավստրիական դասակարգմամբ դրանք երկակի նշանակության արտադրանք չեն:
Ինչպես մեկնաբանել է ընկերության մամուլի խոսնակը, ավստրիական ընկերությունն այսպիսով հետևում է իր մայր ընկերության՝ կանադական Bombardier Recreational Products-ի (BRP) հրահանգներին, որը նույնպես դադարեցրել է օդանավերի շարժիչների առաքումը «անհասկանալի օգտագործման երկրներ»։ Թե´ Կանադայում, թե՛ Ավստրիայում բողոքի ցույցեր տեղի ունեցան, այն բանից հետո, երբ հայտնի դարձավ, որ կանադական և ավստրիական արտադրության այս շարժիչները օգտագործվում են թուրքական մարտական անօդաչու թռչող սարքերում, որոնք Ադրբեջանը կիրառում է Արցախում հայկական ուժերի դեմ պայքարում։
Հիշեցնենք, որ մինչ ավստրիացիների նման որոշումը, Կանադայի ԱԳՆ-ն արգելել էր ցանկացած կանադական ռազմական նշանակության արտադրանքի մատակարարումը Թուրքիա («Բայրաքթարներում» օգտագործվել են Կանադական «Wescam» ընկերության օպտիկական տեսախցիկները): Իսկ օրերս թուրքական անօդաչուների համար կապի համակարգերի մատակարարումները դադարեցրել է ամերիկյան «Viasat» ընկերությունը։
Այս ենթաբաժնի վերջին նորությունները
Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։
Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ:
Ամերիկյան «Global Firepower» կայքը կազմել է2024-ի աշխարհի ամենահզոր ռազմական նավատորմեր ունեցող երկրների ցանկը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |