Հունաստանի արտգործնախարար․ «Թուրքիան վերածվել է ջիհադիստների տուրիստական գործակալության»

Քաղաքական11:41, 27 Հոկտեմբեր 2020

Հունաստանի արտգործնախարար․ «Թուրքիան վերածվել է ջիհադիստների տուրիստական գործակալության»

Հունաստանի արտգործնախարար Նիկոս Դենդիասը հոկտեմբերի 26-ին Աթենքում հանդիպում է ունեցել Ռուսաստանի արտգործնախարար Սերգեյ Լավրովի հետ: Հանդիպմանը կողմերը քննարկել են տարածաշրջանային մի շարք հարցեր:

Դենդիասը, անդրադառնալով տարածաշրջանում Թուրքիայի ապօրինի գործողություններին, ինչպես նաև ակնարկելով Սիրիայից Ադրբեջան փոխադրած վարձկաններին, հայտարարել է, որ Թուրքիան դարձել է ջիհադիստների տուրիստական գործակալություն:

«Ցավոք, տարածաշրջանային բոլոր զարգացումներում ընդհանուր հայտարարը Թուրքիայի ապակայունացնող գործոնն է: Ես հայտնել եմ իմ անհանգստությունը ջիհադիստների համար տուրիստական գործակալություն դարձած Թուրքիայի դերի վերաբերյալ», - նշել է նա։

Դենդիասի խոսքով՝ Թուրքիային ձեռնտու է սրել լարվածությունը տարածաշրջանում:

«Մեր երկրների հարաբերությունները դարավոր են: Մենք կարևորեցինք երկկողմ քաղաքական շփումների ամրապնդումը», - ասել է Հունաստանի արտաքին գործերի նախարարը:

Լավրովն իր հերթին հայտնել է, որ թուրք-հունական հարաբերություններում առկա լարվածությունն ու խնդիրները պետք է լուծել միայն երկխոսության ճանապարհով։

Կողմերը քննարկել են նաև Ռուսաստանի կողմից Թուրքիային վաճառված S-400 զենիթհրթիռային ՀՕՊ համակարգերի հարցը:

Աղբյուր` toplumsal.com

Այս ենթաբաժնի վերջին նորությունները

16:20, 07 ապր

Թուրքիան կարող է դառնալ Իրանի ռազմական թիրախը

Իրանը դիվանագիտական նոտա է հղել 6 երկրի՝ նախազգուշացնելով, որ Իրանին հարվածելու համար ԱՄՆ-ի կողմից իրենց օդային և կամ ցամաքային տարածքի օգտագործումը որակվելու է որպես «թշնամական քայլ»: