Քաղաքական10:59, 24 Նոյեմբեր 2020
ԵՄ, Իտալիայի դեսպանները և Գերմանիայի ժամանակավոր հավատարմատարը կանչվել են Թուրքիայի ԱԳՆ
Վերջին շրջանում Թուրքիա-ԵՄ հարաբերություններում առկա լարվածությունն ավելի է սրվել նոյեմբերի 22-ին տեղի ունեցած աղմկահարույց միջադեպի հետևանքով:
Թուրքիայում Եվրամիության և Իտալիայի դեսպաններին ու Գերմանայի գործերի ժամանակավոր հավատարմատարին կանչել են արտգործնախարարություն, որտեղ բողոքի նոտա է հղվել «Իրինի» առաքելության և թուրքական նավի միջև տեղի ունեցած միջադեպի կապակցությամբ: Այդ մասին հայտարարություն է տարածել Թուրքիայի ԱԳՆ-ն:
Հայտարարության մեջ նշվում է, որ այդ առաքելությունը թուրքական «Roseline-A» նավում ստուգումներ անցկանցնելու համար հստակ թույլտվություն չի ստացել Թուրքիայից:
Դեսպաններին և հավատարմատարին ուղղված բողոքի նոտայում Անկարան պնդել է, որ տեղի ունեցած միջադեպը հակասում է միջազգային իրավունքին:
Հիշեցնենք, որ դեպի Լիբիա զենքի մաքսանենգությունը կանխելուն ուղղված ԵՄ ղեկավարած «Իրինի» առաքելությունը նոյեմբերի 22-ին գերմանական «Համբուրգ» ֆրեգատին ցուցումներ էր տվել կանգնեցնել թուրքական «Roseline-A» բեռնատար նավը, նշելով, որ այն անօրինական ճանապարհով զենք է տեղափոխում Լիբիա:
Լիբիայի արևելքում գտնվող Բենղազի քաղաքից մոտ 200 կիլոմետր հյուսիս Բունդեսվերի գլխավոր տեսուչը ցանկացել էր ստուգել թուրքական նավը, սակայն պաշտոնական Անկարան վերջին վայրկյանին բողոքել և թույլ չէր տվել ստուգել այն: Անկարայի մերժումը ստանալուց հետո գերմանացի զինվորները ստիպված էին եղել անմիջապես դադարեցնել բեռի ստուգումը: «Roseline-A»-ն շարունակել է իր ճանապարհորդությունը դեպի Լիբիա:
Այս ենթաբաժնի վերջին նորությունները
Ըստ Ալփարսլան Բայրաքթարի՝ նման պատժամիջոցները կարող են դժվարացնել Թուրքիայի համար գազի գնումը։
Թուրք լրագրող Ֆեհմի Քորուն իր հոդվածում անդրադարձել է իշխանական ԱՇԿ-ի առաջնորդի՝ Աբդուլլահ Օջալանի մասին հայտարարությանը։
Թուրքիայի նախագահն անդրադարձել է Իսրայելի վարչապետ Բենյամին Նեթայահուի և նախկին ՊՆ ղեկավար Յոավ Գալանտի ձերբակալման որոշմանը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրակարգում են եղել երկկողմ, տարածաշրջանային և համաշխարհային նշանակության հարցեր։
Թուրքիայի նախագահն անդրադարձել է Իսրայելի վարչապետ Բենյամին Նեթայահուի և նախկին ՊՆ ղեկավար Յոավ Գալանտի ձերբակալման որոշմանը:
Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։
Թուրք պաշտոնյան նաև խոսել է Գազայում, Ուկրաինայում և այլ հակամարտային գոտիներում տիրող իրավիճակից:
Դիարբեքիր նահանգի մի շարք հասցեներում խուզարկություններ է իրականացվել: Ձերբակալվածներին տեղափոխել են ահաբեկչության դեմ պայքարի բաժանմունք:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |