Գործազրկության մակարդակը Թուրքիայում

Տնտեսական12:44, 11 Հունվար 2021

Գործազրկության մակարդակը Թուրքիայում

Թուրքիայի Վիճակագրական ընկերությունը (TÜİK) հրապարակել է այդ երկրում գործազրկության մակարդակի վերաբերյալ վերջին տվյալները։

Ըստ այդմ՝ 15 տարեկանից բարձր տարիքի քաղաքացիների շրջանում գործազրկության մակարդակը 2020թ․ հոկտեմբերի դրությամբ նվազել է 0․7 տոկոսով՝ կազմելով 12․7 տոկոս։ Նախորդ տարվա նույն ամսվա համեմատ այդ ցուցանիշը նվազել է 391․000-ով՝ հասնելով 4 մլն 5․000-ի։ Ոչ գյուղատնտեսական ոլորտում գործազրկությունը կազմել է 14․8 տոկոս։

Աշխատանք ունեցողների թիվը նույն շրջանում նվազել է 896․000-ով կամ 2․3 տոկոսով՝ հասնելով 27 մլն 447․000-ի։ Այլ կերպ ասած՝ այդ աշխատանքով ապահովվածությունը կազմել է 43․6 տոկոս։

15-24 տարիքային խմբում գործազրկության մակարդակը նախորդ տարվա համեմատ նվազել է 0․4 տոկոսով՝ հասնելով 24․9 տոկոսի։ Իսկ աշխատանք ունեցողների թիվն այս տարիքային խմբում կազմել է 30․6 տոկոս։ Ոչ աշխատանք, ոչ էլ կրթություն ունեցող երիտասարդների թիվը նախորդ շրջանի համեմատ աճել է 1․6 տոկոսով՝ կազմելով 27․6 տոկոս։

Աղբյուր` tuik.gov.tr

Այս ենթաբաժնի վերջին նորությունները

17:30, 24 դեկտ

Թուրքիայում կարծում են, որ ռուսական գազի դադարեցումը դեպի Ուկրաինա, նոր շանս կստեղծի թուրքերի համար

Գտնվելով էներգետիկ ուղիների կենտրոնում՝ Թուրքիան կարող է առանցքային դեր խաղալ Եվրոպայի էներգետիկ ճգնաժամը մեղմելու գործում։

11:15, 23 դեկտ

Հունաստանը դեմ է Թուրքիայի և Սիրիայի միջև «Բացառիկ տնտեսական գոտու» ստեղծմանը

Հունական «Kathimerini» թերթը գրում է, որ Աթենքը նախապատրաստական աշխատանքներ է տանում դրա դեմ և պնդում, որ համաձայնագրի կնքմամբ Կիպրոսը կհայտնվի շրջափակման մեջ: