Թուրքիայում հայ իրավապաշտպանի դեմ հետաքննություն է սկսվել Էրդողանին վիրավորելու համար

Քաղաքական11:40, 11 Փետրվար 2021

Թուրքիայում հայ իրավապաշտպանի դեմ հետաքննություն է սկսվել Էրդողանին վիրավորելու համար

Թուրքական իշխանություններին հասցեագրված սուր քննադատություններով հայտնի հայ իրավապաշտպան Արլեթ Նաթալի Ավազյանի դեմ հետաքննություն է սկսվել Թուրքիայի նախագահի Ռեջեփ Թայիփ Էրդողանի հասցեին վիրավորական հրապարակումներ անելու համար:

Այս մասին Ավազյանը գրառում է արել Twitter-ում, հրապարակելով նաև իրեն ուղղարկված հետաքննություն սկսելու մասին որոշման փաստաթղթերը:

Նշվում է, որ 2014-2018թթ. ընթացքում Ավազյանը Twitter-ում նախագահի հասցեին վիրավորական 8 հրապարակում է կատարել, որոնք հանցակազմ պարունակող արարք են որակվել:

Հիշեցնենք, որ սա Ավազյանի դեմ հետաքննություն սկսելու առաջին դեպքը չէ: Նրան նաև քանիցս բերման են ենթարկել Թուրքիայի պաշտոնատար անձանց հասցեին սուր քննադատություններ հնչեցնելու համար:

Իրավապաշտպանը 2019թ. հոկտեմբերին Twitter-ում գրառում էր կատարել Թուրքիայի արտգործնախարար Մևլութ Չավուշօղլուի մասին։ Նա տեղադրել էր արտգործնախարարի ընտանիքի 1998թ․ լուսանկարը և գրել․ «Նրանք Անթալիայի հարավային շրջանում հայտնի են եղել որպես «քրդական գողեր»»։

Նշենք, որ Արլեթ Նաթալի Ավազյանին Twitter-ում հետևում է 175.000 օգտատեր: Նրա կատարած գրառումների թիվն անցնում է 230.000-ը:

Աղբյուր` Ermenihaber.am

Այս ենթաբաժնի վերջին նորությունները

14:10, 28 մարտ

Կիպրոսի նախագահ․ «Կարևոր է աստիճանաբար սկսել երկխոսությունը Թուրքիայի հետ»

Փարիզում կայացել է «Խաղաղություն և անվտանգություն Ուկրաինայի համար» խորագրով հանդիպումը, որի ընթացքում հանդիպել են Թուրքիայի փոխնախագահը, Հունաստանի վարչապետը և Կիպրոսի նախագահը։

13:46, 28 մարտ

Կայացել է Էրդողան-Պուտին հեռախոսազրույց

Կողմերը քննարկել են ռուս-թուրքական հարաբերությունները, տարածաշրջանային և գլոբալ խնդիրները, այդ թվում՝ Ուկրաինայի ու Սիրիայի հարցը։

12:26, 28 մարտ

ԱՄՆ պետքարտուղար․ «Մեզ մտահոգում է Թուրքիայում անկայունությունը»

Մարկո Ռուբիոն անդրադառնոլով Թուրքիայում ընթացող ցույցերին նշել է, որ Վաշինգտոնը ցանկանում է աշխատել Ռեջեփ Թայիփ Էրդողանի հետ։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Հույները դիմել են Թրամփին Թուրքիայի դեմ հանդես գալու պահանջով

Ամերիկայում գործող հունական «Helenik» համալսարանը նամակ է հղել Թուրքիայի արտաքին գործերի նախարար Հաքան Ֆիդանի օրերս Վաշինգտոն կատարած պաշտոնական այցից հետո։