Չավուշօղլու. «ԵՄ-ն պետք է անկեղծ վերաբերմունք ցուցաբերի Թուրքիայի հանդեպ»

Քաղաքական17:28, 16 Մարտ 2021

Չավուշօղլու. «ԵՄ-ն պետք է անկեղծ վերաբերմունք ցուցաբերի Թուրքիայի հանդեպ»

Թուրքիայի արտգործնախարար Մևլութ Չավուշօղլուն Սլովակիայի արտաքին գերատեսչության և Եվրոպայի հարցերով նախարար Իվան Կորչոկի հետ համատեղ մամուլի ասուլիսին անդրադարձել է Թուրքիա-ԵՄ հարաբերություններին:

Չավուշօղլուն, 2016թ. հուլիսի 15-ին տեղի ունեցած հեղաշրջման փորձի մասին խոսելու առիթը բաց չթողնելով, ԵՄ-ին մեղադրել է այդ ժամանակ Թուրքիային չաջակցելու մեջ:

Նրա խոսքով՝ ԵՄ-ն հեղաշրջման փորձի ժամանակ միայնակ է թողել այն Թուրքիային, որն ասում էր, որ նույնիսկ իր առջև ծառացած ամենալուրջ սպառնալիքի ժամանակ գիտի ԵՄ-ի ռազմավարական նշանակությունը:

Թուրքիայի իշխանությունները հեղաշրջման փորձի մեջ մեղադրում են գյուլենական համայնքի առաջնորդ, իսլամի քարոզիչ, ամերիկաբնակ միլիարդատեր Ֆեթուլլահ Գյուլենին: Գյուլենականների ցանցը Թուրքիայում համարվում են «Ֆեթուլահական ահաբեկչական կազմակերպություններ», հապավումը` FETÖ:

Չավուշօղլուն, մատնանշելով, որ Թուրքիայի և ԵՄ-ի միջև բանակցությունները դադարեցվել են քաղաքական դրդապատճառներով, ասել է. «Մեր ձեռքում մնացել է միայն ներգաղթյալների համաձայնագիրը: 2016թ. սկսած Թուրքիան կատարել է իր ողջ պարտավարությունները սույն համաձայնագրի համատեքստում, իսկ ԵՄ-ն չի կատարել և չի էլ ցանկացել կատարել»:

Վերջին մեկ տարվա Թուրքիա-ԵՄ հարաբերություններում առկա լարվածությանն անդրադառնալով՝ թուրք նախարարը պնդել է, որ ԵՄ-ն ամբողջովին Թուրքիայի դեմ է գործել և ստիպված է եղել աջակցել ԵՄ անդամ պետություննների «անարդար քաղաքականությանն ու մաքսիմալիստական պահանջներին»:

Թուրքիայի ԱԳ նախարարը նաև հայտնել է, որ 2020թ. դեկտեմբերի կայացած ԵՄ գագաթաժողովից հետո Թուրքիա-ԵՄ հարաբերությունների զարգացման դրական միտում է նկատվել:

«Թուրքիա-ԵՄ հարաբերություններում առաջընթաց գրանցելու և անցյալի սխալները չկրկնելու համար ԵՄ-ն պետք է անկեղծ վերաբերմունք և ռազմավարական մոտեցում ցուցաբերի»,-ասել է նա:

Աղբյուր` Ermenihaber.am

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։