Էրդողանը պնդում է, թե Սաուդյան Արաբիան Թուրքիայից ցանկանում է ԱԹՍ-ներ գնել

Ռազմական10:37, 17 Մարտ 2021

Էրդողանը պնդում է, թե Սաուդյան Արաբիան Թուրքիայից ցանկանում է ԱԹՍ-ներ գնել

Սաուդյան Արաբիան ցանկանում է հարվածային ԱԹՍ-ներ գնել Թուրքիայից: Այդ մասին Անկարայում հայտարարել է Թուրքիայի նախագահ Ռեջեփ Թայիփ Էրդողանը՝ Բոսնիա և Հերցոգովինայի նախագահության ներկայացուցիչ Միլորադ Դոդիկի և այլ բարձրաստիճան պաշտոնյաների հետ հանդիպման ժամանակ։

Ասուլիսի ժամանակ Թուրքիայի նախագահն անդրադարձել է Հունաստանի և Սաուդյան Արաբիայի զինված ուժերի համատեղ զորավարժություններին՝ մեկ անգամ ևս իր դժգոհությունը հայտնելով այդ կապակցությամբ։

«Սաուդյան Արաբիան էլ այնտեղ Հունաստանի հետ համատեղ զորավարժություն է անցկացնում, սակայն մյուս կողմից Թուրքիայից ԱԹՍ է ցանկանում»,- ասել է Էրդողան։

Հավելենք, որ վերջին շրջանում Թուրքիա-Սաուդյան Արաբիա հարաբերությունները լարված են։ Դա պայմանավորված էր «Washington Post» թերթի թղթակից Ջեմալ Խաշոկջիի դաժան սպանությամբ, որը իրականացվել էր Ստամբուլում Սաուդյան Արաբիայի հյուպատոսարանում։

Աղբյուր` Yenisafak

Այս ենթաբաժնի վերջին նորությունները

16:26, 21 նոյ

Թուրքիան Սոմալիում կհիմնի տիեզերական ռազմաբազա

Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։

15:42, 21 նոյ

Պակիստանը պատրաստվում է օգտագործել թուրքական ռազմարդյունաբերական փորձը

Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ: