Իրավական12:57, 09 Հունիս 2021
Թուրքիայի քաղաքացին Էրդողանին քննադատելու համար դատապարտվել է 1 տարի 2 ամիս ազատազրկման
Թուրքիայի նախագահ Ռեջեփ Թայիփ Էրդողանին քննադատելու համար քաղաքացի Յավուզ Աթանը 1 տարի 2 ամիս ազատազրկման է դատապարտվել:
Նշենք, որ համաձայն Թուրքիայի Քրեական օրենսգրքի 299-րդ հոդվածի՝ երկրի նախագահին վիրավորելը համարվում է հանցագործություն և պատժվում առավելագույնը 4 տարվա ազատազրկմամբ։
Թուրքական դատախազությունը քրեական գործ էր հարուցել Աթանի դեմ: Դատախազության պատրաստած մեղադրական եզրակացության մեջ նշվում էր, որ 56-ամյա քաղաքացին սոցցանցերում 2020թ. «Էրդողանի հասցեին վիրավորական 4 գրառում է արել»:
Աթանի փաստաբանը դատական նիստից հետո հայտնել է, որ Թուրքիայում այժմ նույնիսկ մեղք է համարվում մարդկանց արտահայտվելու և քաղաքական քննադատություն անելու իրավունքը:
«Այսօրվա դատական համակարգն այլևս չի կարողանում հանդուրժել նույնիսկ ամենաանշան քննադատությունը»:,-ասել է փաստաբանը:
Դատարանի որոշմամբ՝ Աթանի նկատմամբ սահմանված պատիժը փոխարինվել է դրամական փոխհատուցմամբ: Նա Էրդողանին պետք է վճարի 7.000 թուրքական լիրա (մոտ 424.000 դրամ) բարոյական փոխհատուցում։
Այս ենթաբաժնի վերջին նորությունները
մայիսի 12-ին Ստամբուլում Թուրքիայի նախագահական կորտեժի ուղղությամբ վիրավորանքներ էին հնչեցվել:
Կասկածյալը ձերբակալվել է Սամսունի մարզային ոստիկանության անվտանգության ստորաբաժանման կողմից իրականացված օպերացիայի ընթացքում:
«Լրագրողներ առաց սահմանների» կազմակերպությունը հրապարակել է 2024-ի զեկույցը, որտեղ անդրադառնում է լրագրության վիճակին Թուրքիայում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |